192.—HE TANGI MO TE KOHIKA, Na Tikina

Toa Takitini, Issue 94, 1 June 1929, Page 1019 (Supplement)

192.—HE TANGI MO TE KOHIKA, Na Tikina

(Ngati-Tuwharetoa). Na Te Take Te Tomo jiga kupu, nga ivhakamarama I tangihia e Tikina ki Raropo, i Hauhungaroa, i te taha hauauru o Taupo. Ko Te Kohika tenei nana te waiata nama 112. Ko Te Kohika tenei e,korerotia ra i te waiata nama 9, i te 173; i moe i a Te Rerehau, nana te waiata nama 42.

(Ref: Taite 25). E to, e te ra! Hohoro te ngaro atu, Kei whai atu hoki taku hoa i a koe. Engari ano koe he ngaro ka hoki mai; Tena ko taku ipo he ngaro ka oti atu, Ka waiho au i konei karangi noa ai. Kati nei koange he ngonginga huri atu, Me ngongi aronui, kia kite te marea I oku mapara e mau ana i aronui, E mau ana i rua ngutu. E pai ana ano mei tere wawe ko au Te takapau ate tua kite papa tiraha, Kia kite ai koe i aku kapara puni I pepehatia ai e aku kaumatua, I tohea ai au kia oti hei koha Kia koe, e te tau, ina mahue iho I taku tinana nei, mei pono ki tera. No to wawenga nei, haha kau atu ana. Mei uru no runga e taea te motumotu, Hei whakawhiwhinga atu ki to ringa, e te tau. He aha te huanga i waiho iho ai, Hei pakinga hau, hei whitinga ma te ra, Hei tirohanga mata ma te hanga ware nei? Ka pa ia nei ko te toka i Ahuru, Mana e parahu o miringa rau nei, Ka ponita noa ahau, ka korokeke te moe, e.