MIHI WIREMU.

Toa Takitini, Issue 94, 1 June 1929, Page 1010

MIHI WIREMU.

I MATE 1 TE RATAPU I TE 5 O MEL I whanau a Mihi Wiremu ki te Waimate, Pewhairangi, ite tau 1839. Ite tau 1840 ka haere a te Wiremu Parata me taana whanau ki Turanga noho ai- I te taenga ki Waerengaahika i te tau 1859 ka urn taana tamahine ki te mahi whakaako i nga kotiro Maori. I mutu ra taua mahi i te raruram i a Kereopa ma i te tau 1865, a i rere te Pihopa ki Nepia noho aiA, no te tau 1875 i hanga ai te Kura Kotiro Maori ki Hukarere; a ko Mihi Wiremu te tino kaiwhakahaere o taua kura. Ko taana mahi he aata whakaako i te Paipera, i nga mea pera, kia tau ai nga kotiro kia kawea ki te Pihopa whakaungia ai; tetahi mea ko te whakaako i a ratou kite tui kakahu, ki te whatu wuuru. Ahakoa ngoikore lonu tona tinana, kaha tonu te wairua ki taua tu mahi, kite tautoko tonu hoki ite mahita wahine ote kura. I waiho tonu ia hei koka ki nga kotiro katoa kua tae ki te kura, ai te mea kua puta atu ite kura, kua hoki ki te kainga, mahara tonu, tuhituhi tonu ia kia ratou kei wareware ratou ki nga tikanga pai i riro i a ratou i te kura. Pera tonu ia taea noatia te ra i wera ai te kura i te tau 1910. Ai te hanganga ote kura hou, kihai ia i kaha ki te hokihoki tonu ki taua kura, i te tawHiti; he ahakoa ra mahara tonu ia ki aana tamariki, karanga tonu i a ratou kia haere ake ki tona whare whakaakona ai e ia. I enei tau ka hori nei kua heke haere te kaha o tona tinana, kua ahua matapo hoki, ko ona whakaaro ia man tonu kite iwi Maori, ki te kura hoki. Ina hoki te tuunga o nga kotiro Maori e ono tekau ma rima kite taha ote urupa ite 7 onga ra o Mei, me ta ratou waiata i te himene, ‘‘Pumau ki te Atua.” Haere e kui! Haere ki tou okiokinga!