TE INGOA NEI, AOTEAROA.
Kite Toatakitini, kua huaina nei te ingoa hou inaianei, ko Aotearoa, tena koe. Tena koe e paoho nei to reo ki tc Motu katoa. Tenei nga utanga hei man atu mail, kia rongo mai nga iwi o nga waka e whitu, no te mea e whitu nga waka e whitu nga Mauri. Mo te ki na te wahine a Kupe i tapa te' ingoa o te ika a Maui ko Aotearoa, e he ana. Keil roto i te karakia a Maui i te wa i hiia ake ai eia taana ika a Tonganui. Ka ea kite aoko Aotearoa. T arangaUengakiteao Mauimua Mauiroto Maupae Mautaha Ko enei nga tamariki i whanau tika mai. Ko Mauitikitiki-a-Taranga i whanau whakatahe mai. Ka whiua e to ratou. whaea ki te moana. Ka whakatika mai te tangata o te wai a Potipoti, ka whangaitia te whanauwhakatahe nei. Ka oti. Kai ora. Ka tangata. Ko Potipoti he uri no te ika a Maui no Tonganui. Ka tae a Potipoti ka whakahokia ake te tamaiti nei a Mauitikitiki ki te ao nei, ara ki te one i Kurawaka. Itepo ka haere kite whare o ratou matua. Ka moe i roto i ona tuakana. Ka kite te whaea tokorima ke e takoto ana. Ite ata kua ngaro. Ko te ahua o te tamaiti nei i aim mai i a Tonganui, ara tona mana me te mauri hoki. He roa nga whakamarama me whakapoto ake. Ka whanui te mohio o nga matua me nga tuakana ki te tamaiti nei ka huaina tona ingoa ko Mauitikitiki-a-Taranga. Ko tona ahua i taua wa he atua he tangata.
I te po ka moe te tamaiti nei ka kite i taana ika, kua tae ano ki roto i te moana, e ki mai ana me tiki atu ia, me hari ake kite aoturoa. Ka whakaae atu ia. Ka oho ake ka korero ki ona matua. Kaore i whakapono nga matua. Na konei i whakamahara ai ia i ona tuakana kia haere ratou kite hi ika. Ka haere te tamaiti nei kite tiki i te kauae o to ratou tipuna o Murirangawhenua hei matau maana. Ka kohakitia mai e ia, aue rawa ake kua riro ke mai. Me whakamarama: Kaore i motokia te ihu kia toto ka pani ai kite matau kia kakara ai. Kei te he. Kei te kakara tonu te kauae nei. Ka hoe ratou ka tae kite waahi i mohio ai te tamaiti nei. Ka karanga ia me tau i konei. I a ratou e hi ana ka kakai ake te ika nei. Ka karanga ia ki ona tuakana kite kukume i taana aho. Ka peke mai te tokowha kukume noa kaore i korikori. Me whakamarama: Kaore i pena kia pau nga hau e wha. Ka karanga a Mauitikitiki ki ona tuakana kia homai taana aho. Te rironga mai i a ia, ka timata taana kara« kia:—“He aha tau e Tonganui e ngau whakatuturi ake i raro. Pupuhi te hau o rangawhenua. Ka rukuruku ka heihei. Ka rukuruku ka ea ea. Ooi, Kooputangaroa. Ka ea, Ka eke, Ka ea kite Aotearoa! Tearoatangaroa, Tangaroa mehaa.” Mutu rawa ake te karakia ka maroke to ratou waka ki runga i te tuara o taana ika. Te korikori te ika. I konei ka whai kupu ia ki ona tuakana kia kaua e raweketia taana ika i muri i a ia. E haere ana ia kite kawe i te maawc ote ika ki Hawaiki. No tona whitinga ka kroero ia ki 0 ratou matua kua eke taana ika. Ka mutu taana mahi i te maawe ka hoki ia. Tae rawa atu kua patua taana ika e ona tuakana kite rakau. Koia i pokopokorua ai, i maunga ai. Mehemea kaore i takoto mania ana teneimotu. Kaore he pukepuke. I konei ka tapaina e Mauitikitiki te ingoa o taana ika ko Aotearoa. I raro riro i te kopu o te moana ko Tonganui te ingoa ote ika, eke ka ea kite aoturoa ko Aotearoa. I konei ka timata te wehe o Mauitikitiki i ona tuakana mo to ratou kino ki a ia. Ka hoki ratou ki Hawaiki. Kua tae tenei kite wa i heke mai ai. Ka moe a Mauitiki tiki i taana wahine, ka whanau ana tamariki. Ka mahue atu 1 a ia a Hawaiki ona matua me ona tuakana ka whiti mai ka noho ki runga i tona tipuna ika. Ko te mauri tenei i ea ake ai tenei ika kite ao nei, hei matua whenua mo Maui me ona whakatipuranga katoa a tae noa mai ki tenei ra e ai te korero. Koia tenei ko te whakapapa:
Permanent link to this item
https://paperspast.natlib.govt.nz/periodicals/TOATAK19290401.2.5
Bibliographic details
Toa Takitini, Issue 92, 1 April 1929, Page 959
Word Count
766TE INGOA NEI, AOTEAROA. Toa Takitini, Issue 92, 1 April 1929, Page 959
Using This Item
See our copyright guide for information on how you may use this title.