TE KOTAHITANGA O NGA TAMARIKI O TE AUTE KARETI.
No Oketopa o te tau ka huri (1928) ka whakatungia he peka o tenei Kotahitanga ki Akarana. Tiamana; —Atarikiona H. A. Hokena. Teputi Tiamana; — Stubbing. Heketari, Peeke. A. E. Prebble. He whakaarabanga hou ake ano tenei i te Kotahitanga a nga tamariki ote Kareti o te Ante. Ko te tumanako kia kaha mai nga tai-tama kua mutu te kura ite Ante kite wbakatu peka mo tenei Kotahitanga ki o ratou waahi puta noa te motu. Kua whakaaetia e te mahita tumuaki e E. G-.Loten. ko A. E. Prebble heketari o te peka o to Akarana hei heketari mo te Ropu i naianei. Kia tu ra he hui topu ka whakatutu ai i nga apiha ote Ropu. Kite Aute Kareti tonu te Tari tumuaki whakahaere i nga tikanga katoa mo tenei Kotahitanga. I te tunga o te hui a te peka o Akarana i paahitia te motini e whai ake nei: “Ma te Hekeretari e tuku kite Rea o Aotearoa te whakaatu ki nga tamariki tawhito o te Aute kua whakatungia he peka ote Kotahitanga ki Akarana, mete tono atu ki nga mea a watea kite tae mai ki Akarana kia matua whakaatu mai ki te Hekeretari kia whakamanuhiritia ai i runga i te wairua he taina he tuakana.” Me tuku mai e te hunga katoa i kura i te Aute o ratou ingoa, Kainga, mahi, ki te taea, nga tau i kura ai, kite Hekeretari. Ko te hiahia kia whakatungia he nupepa (Magazine) hei toha ite ahuatanga ote hunga kua kura me te hunga a kura ana. E tika ana kia mohiotia mo nga tamariki anake i kura ki te Aute tenei Kotahitanga. E ora ai e tipu ai tenei Kotahitanga me kaha mai te awhina ate hunga i kurangia ki te Aute. Tukua mai a koutou e mohio ana ki te Hekeretari (Secretary), Te Aute Old Boys’ Association. 4 St. Stephens Avenue, Parnell, Auckland.
Permanent link to this item
https://paperspast.natlib.govt.nz/periodicals/TOATAK19290301.2.6
Bibliographic details
Toa Takitini, Issue 91, 1 March 1929, Page 938
Word Count
324TE KOTAHITANGA O NGA TAMARIKI O TE AUTE KARETI. Toa Takitini, Issue 91, 1 March 1929, Page 938
Using This Item
See our copyright guide for information on how you may use this title.