RENETI.

Toa Takitini, Issue 91, 1 March 1929, Page 935

RENETI.

Kei roto tatou i nga ra Reneti e whakahaua nei te Haahi me nohopuku tatou. Ko te mehua o enei ra kei te rakaunuitanga o te marama i a Maehe. I etahi wa ka heke atu ki a Aperira. Ko te 40 ra i muri o te rakaunuitanga nga ra Reneti. He ra nohopuku enei, he ra pouri. E whakahau ana te Haahi kia puritia enei ra, ara kia whakauru tahi te pouri, me nga mamaetanga o te Karaiti. Kei te tangata ano ia te mehua 0 taana pupuri i enei whakahaunga. Kaore a te Haahi whai ture mo tenei taha. Ko etahi tangata whakangawari ai, mutu rawaatu ai ranei te tangaotango atu ki tetahi mea e tino matenuitia ana. Ko etahi ano tino nohopuku ai mo tetahi wa. Ahakoa takaro noaiho te pupuri a te tangata i enei ra, ko te mea nui ke ko Te Wairua Mam, hui tahi kite peehi i te kikokiko me ona hihiritanga. I te mea ka noho tahi nei tatou mete Karaiti ki Tona rangatiratanga, e tika ana kia urn tahi tatou ki Ona mamaetanga mou nei, moku mei te take. He whakaakoranga tawhito tenei na te Haahi ka nuku atu 1 te 1,400 tau. I mea a Iranui (Irenaeus) i te raruraru o te whakanui i te ra Aranga “Ehara i te mea ko te ra Aranga anake i raruraru; ko te nohopuku ano hoki. Ko etahi i mea kia kotahi te ra nohopuku, ko etahi i mea kia rua, ko etahi i mea kia torn, kia nuku atu ranei.” I mea a Hokaratea (Socrates) : “Nohopuku ai nga Romana e torn wiki i mua atu ote ra Aranga, engari kapea ai te Hapati mete ra ote Ariki.” Nga Kariki mete hunga o Arehanaria nohopuku ai 15 ra ote ono wiki. Korero ai a Orikena (Origen) mo te nohopuku i nga ra e 40 i mua o te ra Aranga.. Na Kerekari te Nui (Gregory the Great) i tautapa mai ta te Haahi pupuri i nga ra Reneti, e ono rau tau i muri iho i a te Karaiti.

He mew Panui e Rev P. Hakiwai me P. H. Tomoana, he mea ta e te Cliff Press, Queen Street,- Hastings, H.B.