109.—HE WAIATA AROHA.

Toa Takitini, Issue 88, 1 December 1928, Page 95 (Supplement)

109.—HE WAIATA AROHA.

Ko te korero no te takiwa ki Hauraki tenei waiata; engari kua huri i te motu, a kua waiho hei waiata ma nga wahine e whakamomori, ana ki a ratau whaiaipo. Ina hoki ka hiahia a Terina Turupa, tamahine a Mohi Turei, he minita kaumatua no Ngati-Porou, ki a Paora Haenga Te Whakatihi (tetahi o nga upoko rangatira o Ngati-Porou) hei tane mana, a kaore i whakaaetia, ka waiatatia e ia hei tangi mana, i a ia e whakampmori ana. Ko te kaupapa tera kei a Ngati-Porou e waiatatia ana. Kei te B. 3/119 e kiia ana e Te Whatu o Tuhoe na Tiramate tenei waiata mo tana tamaiti. (Ref.: T. Turi p. 27 B. 3/119). E titi te kohiti Tiahoaho ana i te uru rakau! Kaua, e whae, e aurakina mai, Kei whea te makau i koroa i te po? Koia taku haere, Me kau tu atu te awa ki Kaputoke.

Ko te matao ra, e tope i raro ra He wini tukunga mai non ra, e te hoa. Katahi te ngakau ka ata rangona iho Motumotu rikiriki te tau o taku ate Ki te tau ra, e, nana nei au I turaki a-ika i taku whanaketanga. Ko te ao e rere, Ko te au herepuke o te pare kei waho. He aroha, e Whara, Ka rum mai kite whare; ka riua atu koe Te ripo ki Whakatere; ka mutu i konei He raro manako atu kite iwi ra, e.