103.—HE TANGI.

Toa Takitini, Issue 88, 1 December 1928, Page 91 (Supplement)

103.—HE TANGI.

Na Hinekimua. (Ngati-Puai, Ngati-Porou.) Na Paratene Ngata raua ko Hone Ngatoto i whakamaranm. Ko tenei waiata he tangi na Hinekimua o Te Whanau-a-te-Rangi, (e kiia nei i naianei ko Ngati-Puai), i tangihia atu i Motu-kokouri. I haere a Ngati-Puai kite kawe tangohanga, i a Mere Meke, ki Anaura. He taonga hapa ka hoki mai na. E rua nga waka i rere mai nei, ko Te Urehina tetahi, ko Toki-a-te-rangi tetahi. Ka tukua mai e Tokipuanga he apuhau hei patu. Ko Tokipuanga he tohunga, no Ngati-awhia, no NgatiIra, ko te Motipua tona atua. Ka tahuri ko Toki-a-te-rangi, ka paea ki uta ki Omataira, ka tahuna ki te ahi. I tahuri te waka nei kite Kehe-tuaranga, i waho o Rahui-manuka; i Whareponga. Ka mate na a Te Whetu-tawere raua ko tona mokopuna ko Pehimana Tataiarorangi (te tane tuatahi a Katerina Te Heikoko, nana a Tautuhiorongo, a Maata Pokai) Ka mate a Hemi Te Aka, a Te Matenga me etahi atutona torn tekau pea. Ko Hemi Te Aka i kitea; tekau-ma-waru katoa pea nga tinana i paea ki uta. E whakawha ana a Te Whetutawere i a Mere Meke, ka wehea raua e te ngaru. Ka mate atu ko Te Whetutawere; ka hopu a Mere Meke ki te rimu, aka waimarie lona u ki uta. (Ref.: T. Turi p. 22). , Tera ia nga torouka, 1 Tokatea 2 ra, te Ana 3 o Mataura; Mete kaiaohia te roiniata, He puna wai, kai aku kamo, i. ■' E ua ra koe e te raro, Hinu tangata no te iwi toa. Ki tahau puta ra kite Ahitawa, 4 Roha mai ra i te parekura, i.

He aha rate hau epa nei? He tuku uta, he patu moana; Haumiri rawa ra i te pohe () te akau, kia mowai, e. 'Torouka: He kurae. 2 Tokatea: He koi kei te taha tonga, kei te ngutuawa o Waiapu. 3 Te, Ana-o-Mataura: Kei Pohautea, kei raro iho i Tokatea. Ko Mataura he tipuna nui no Ngati-Porou. 4 Te Ahitawa: Kei te ngaro tenei.