28.—HE TANGI WHAIAIPO.

Toa Takitini, Issue 40, 1 December 1924, Page 38 (Supplement)

28.—HE TANGI WHAIAIPO.

(Na wai ra?) Ko te alma i takea mai te waiata nei i te takiwa o Tauranga* e whakahua nei ki 4 Karewa ra, an rerenga hipi ki Poihakena * He ahakoa ra, ma te iwi nana te waiata e whakaatu mai. Kaore tenei waiata i roto i 44 Nga Moteatea,” engari kei te pukapuka a McGregor, 44 Maori Songs,” pp. 38, 43, 44, me p_ 74 Supplement 3. Ko tetahi o enei na Te Peehi (Elsdon Best) i tuhituhi, ako te kaupapa tera ka taia nei ki konei. Ko tetahi i kitea iho i roto i te pukapuka tuhituhi a Pihopa Wiremu, engari he maha nga wahi taupatupatu o tera. Ko te ahua o te waiata nei na te wahine Maori i moe i te pakeha; no te hokinga o te tane ki tawahi, ka huaina atu te waiata nei. Kei te motu kaloa e waiatatia ana, he waiata ngawari, he reka hoki. Moe hurihuri ai taku moe kite whare; Kei whea te tau i aropiri ra, I nga rangi ra o te tuatahitanga? Ka haramai tenei, ka tauwehe, He hanga hua noa te roimata i aku kamo; No te mea ia ra ka whamamao. Horahia te titiro whakawaho Ki Karewa 1 ra, au rerenga hipi Ki Poihakena , ka whakaaokapua Te rip a tauarai ki Oropi , 3 Kite makau ra, e moea iho, E awhi reinga ana i raro ra. Ka hewa au, e koro, kai te ao, i.

HE WHAKAMARAMA; tßarewa. He motu kei waho o Tauranga. 2 Poihakena. Ko Sydney, ara ko Port Jackson. 3 Oropi. Ko Europe. 4 E koro. Ki ta Te Peehi, “ e Kane.”