KUA MOE A MEIHA PIKAKE.

Toa Takitini, Issue 39, 1 November 1924, Page 136

KUA MOE A MEIHA PIKAKE.

HE mea whakamiharo te putanga o nga rnihi a nga hoia a Te Arawa i Te Toa Takitini o Hepetema, mo to ratou rangatira pai mo Meiha Pikake. Otira i puta pohehe a ratou rnihi i te mea kei te ora tonu a Meiha Pikake i tana wa. engari ko nga hoia o Te Arawa kei te pohehe kua mate. He mana rnata-kite pea i hoatu ki aua hoia, inahoki e rua rawa marama i muri iho i a ratou tangi katahi ano ka moe to ratou Meiha. I male a Meiha Pikake ki Paeroa i te 21 o nga ra o Oketopa. Ko ona tau e 53. Mahue iho kite ao ko tona pouaru me ana tamariki taane lokowha hei tangi ki to ratou matua ka takoto mai nei ite moenga roa. Ka eke ona tau kite 19 ka urn ia ki nga mahi hoia hei mahi tuturu mana. I mau tonu ia ki taua mahi a mate noa. E tika ana kia nui nga rnihi a te iwi Maori mo tenei tangata. Naana i rauawa nga waka o te iwi Maori, i whiti atu ai ki° Ta-whiti-pamamao, i tu tika ai ki nga marae o Tumatauenga, i uhia ai to tatou ingoa Maori kite honore kite kororia. Haere ra e koro! Haere te Rata-whakamarumaru! Haere te Toka-tu-moana. Haere ki o tamariki i hinga atu i nga marae o te pakanga. Ma ratou koe e powhiri ki nga marae o te rangi. Haere ki to tatou Matua. Uru atu ki ton okiokitanga.