23.—HE WAIATA AROHA MO TE MANANA KAUATERANGI.

Toa Takitini, Issue 39, 1 November 1924, Page 33 (Supplement)

23.—HE WAIATA AROHA MO TE MANANA KAUATERANGI.

NA TURUHIRA HINEIWHAKINA (Ngati-Porou). Ko nga kupu o tenei waiata na Materoa Ngarimu raua ko Tuhere Tautuhi i korero ki a A. T. Ngata. Ko te wahine nana te waiata, ko te tane mona te waiata etahi o nga upoko ariki o Ngati-Porou. I haere a Kauaterangi i roto i te ope a Te Kakatarau (ko Pape Kakatarau tona ingoa o te wa pakeha nei) ki Toka-a-kuku, i haere ai te tini o te tangata, engari i hoki ora mai ano; ka waiatatia atu nei i muri.

Turuhira Hineiwhakina == Kauaterangi Hamiora Ngarimu = Heni Herewaka Tuta Ngarimu == Makere | —, Materoa Hamuera 1.

E kui ma! katahi tarn porearea ko nga wairua, E haramai nei, e: Kia whitirere au, me kei te ao koe, E moe ana tana, e. Tera te marama, he whakareinga atu No aku tini mahara. I haramai Kopu 1 i nga tane, ka wehe nei ra I taku tinana, e. E hia te wiki 2 tapu taku whakaarohanga, E hoki mai koutou, e. He motatau 3 koe, na te kamo ano I kai haumi atu, e. 2. E kui ma e! he oti tou te manako, Ko koe nei te tane ki roto te ngakau, e. He aha te inaina e kohi ai te mahara, He aha te ao pango, E kapo ai te aroha, e. Aroha rawa au ki Hikurangi ra ia, Te maunga ka hira, ka kite mai te whenua, Ka tiro mai Otiki, e. Takoto ai te marino, horahia i waho ra, Kaupapa haerenga nou e Tiakitai, e; E whanatu ana koe ki aku kaingakau, Ina ia te wa i tau ai ki raro, e. Ka pau te tote atu e te ope 6 whakataka

Nau ra e Pape, e. Hinga mai to ika me ko Tukiterangi, 8 Whenua noa i mahue. HE WHAKAMARAMA: l opu. He whetu. 2 Wikitapu. Ko te ratapu, he kupu no te wa pakeha. 3 Motatau. He noho noa ka korero noa ki a ia ano. 4 Otiki. Kei te Pakihi, kei uta o Whangaokeno. s Tiakitai. —He rangatira no Heretaunga, ko Ngati-Kahungunu hoki tetahi ope nui i haere ki Toka-a-kuku. 6 Te ope whakataka. Na Te Kakatarau hoki tetahi i whakataka te haere ki Toka-a-kuku, hei ngaki i te mate o Pakura. "Pape. He ingoa no Te Kakatarau. B Tukiterangi.—Kei te ngaro tenei.