Te Oriori a Hinekitawhiti mo tana Mokopuna mo Ahuahukiterangi

Te Ao Hou, Summer 1954, Page 60

Te Oriori a Hinekitawhiti mo tana Mokopuna mo Ahuahukiterangi Na R. T. Kohere i tuhituhi 1. Kia tapu hoki koe na Tuariki, e! Kia tapu hoki koe na Porouhorea! Kaati nei e noa ko to taina, e, Whakaanga i runga ra, he kauwhau ariki, e, Koi tata iho koe ki nga wahi noa. Whakaturia to tira hei Ngapunarua; Tahuri o mata nga kohu tapui Kei runga o te Kautuku, e rapa ana hine, I te kauwhau mua i a Hinemakaho, Hai a Hinerautu, hai a Tikitikiorangi, Hai kona ra korua, e! 2. Ana, e koro, auaka e whangaia ki te umu nui, Whangaia iho ra ki te umu ki tahaki; Hai te pongi matapo hei katamu mau, Kia ora ai hine, takawhaki atu ana, Nga moka one ra i roto o Punaruku, Tena Te Rangitumoana mana e whakapeka Moe rawa ki kona, e! 3. Mau e ki atu, ‘Arahina ake au, Ki runga o te Huia, ki a Ngarangi-kamaea, Kia marama au ki roto Tawhitinui’, Tena ra kakahu mana e ui mai, ‘Na wai ra tenei tamaiti e?’ Mau e ki atu, ‘Na te Au-o-Mawake’. Kia tangi mai ai o tuakana koka, ‘I haramai ra koe nga kauanga I kaituri, na! I haramai ra koe nga uru karaka i te Ariuru,’ Nahau te mau mai i nga taonga o Wharawhara, Hai tohu ra mohou, kai haengia koe, Ko te Paekuru ki to taringa, ko Waikanae ki to ringa, Hai taputapu mohou, e hine, e! Nga Whakamarama: I te kaingakau o Hinekitawhiti ki tana mokopuna, ka whakanuia e ia ki runga ake o nga