TE RIIHI.
J TE Hatarei te 9 o nga ra o Mei nei ka mate a Te Riihi, he Pakeha kaumatua no Turanga nei, he roia, he tangata rongonui hold no Niu Tireni nei i ona ra. I whanau ia ki Ingarani ite tan 1836, he tama na Takuta Hemi Te Riihi. I haere ia ki tetahi kareti nui i Ingarani kura ai, engari i te mea kaore ano i mutu tona kura ka haere mai ki Ahitereiria, a whakatutukitea ana tona kura kite kareti nui o Marepana. I muri i tona kura ka mahi ia kite tari o tetahi roia, engari kaore i roa ka mahue i a ia, haere ana kite kura minita, whakaturia ana hei minita mo tetahi hahi e karangatia ana te ingoa he Congregational. E wha nga tan i muri mai ka mahue i a ia te mahi minita ka hold ano kite ture. Ite tau 1865 ka whakamana ia e te Ture hei roia. Ite tau 1863 ka marena ki tana wahine, kei te ora ano te wahine me nga tamariki, kotahi te mea tane tokowha nga mea wahine. Ite tau 1866 ka whakawhiti mai ki Niu Tireni nei, a whakaturia ana hei roia mo te Hupirimi Kooti i Otepoti. I mud iho ka nuku mai i Otepoti ki Hokitika, i Hokitika ki Akarana, a ki Nepia, tuturu rawa atu te taunga o tona remu ki raro i Turanga. I a ia i Akarana e rua ona tunga hei mema mo te Paremata. I hiahiatia ia e Hori Kerei i tana wa hei minita mo te taha ki nga Ture, engari kaore ia i pai, kiia atu ana e ia kia whakaturia ko tona hoa ko Rapata Taute (ko te Tiati Tumuaki o te Hupirimi Kooti). E kiia ana nana tetahi whaikorero roa i roto i te whare, e24 haora ia e korero ana. Itu ano ia hei mema mo Nepia, mo Turanga. I ana ra ko ia tonu tetahi o nga tangata rongonui o Niu Tireni. He tangata rongonui ano a Te Riihi mo te tuhituhi pukapuka. E rima ana pukapuka i tuhituhi ai. Ko te oranga me nga mahi i mahia e Hori Kerei nana i tuhi. Ko tana pukapuka whakamutnnga tenei. He tangata ia i ngakau nui kite whai i nga tikanga e pai ai te whenua katoa.
Permanent link to this item
https://paperspast.natlib.govt.nz/periodicals/PIPIWH19120501.2.14
Bibliographic details
Pipiwharauroa, Issue 168, 1 May 1912, Page 10
Word Count
387TE RIIHI. Pipiwharauroa, Issue 168, 1 May 1912, Page 10
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.