TE MATAURANGA O TE TANGATA TAHAE.
ITE Manei te 13 o nga ra o te marama nei ka haere nga rongo o tetahi tahae marakerake i te taone o Akarana, i kitea ai te mohio o etahi o nga tangata e mahi nei i te mahi tahae hei huarahi moni ma ratou. Ko te pakeha i rarua nei ko Pahiko, he watimeka ; kei tetahi o nga tiriti nui o Akarana e karangatia nei ko Karangahape te ingoa tona toa. I taua ra i te Manei ka tangi te waea o roto i te toa a Pahiko, ka haere atu te rangatira o te toa kite wnakahoki atu i te karanga. Ka karanga mai te tangata i tera pito, ko Pahiko tena ? Ka whakaae atu te tangata o te toa. Ka korero mai tera. Ko Natana ahau e korero atu nei (ko Natana e mohiotia ana he tangata rangatira no Akarana). E hiahia ana ahau ki te hoatu i tetahi riini pai hei aroha maku ki te tamaiti wahine, mo tona pai ki au. Me tuku mai e koe etahi o riini papai na hei tirotirohanga maku, kia kitea rate mea e hiahia ana ahau ka whakahoki atu ai i etahi. He karakamapere ano taku kei konei e hiahia ana ahau kia tirohia mai e koe he aha ranei te mate. I te mohio o te rangatira o te toa ki a Natana, kore rawa tonangakau i hopu atu ki tona hoa i tera poro o te waea, i te hiahia hold kia riro etahi o ana riini utu nui, hohoro tonu ia kite whakarite i te tono a Natana. Ka tirotirohia mai e ia e wha nga riini papai ; ko te utu katoa o aua riini e Ka takaia e ia ki roto i te takai, ka hoatu ki tetahi o ana tangata hokohoko kia mauria ki te whare o Natana i Karangahape tiriti. Te taenga atu o te kai kawe i nga riini nei kite keti o te whare ka tutaki ki a ia te tangata nana rate waea, me tona koti ano i runga o tona pakihiwi, ka pohehetia ano he tangata rangatira ki te totiro atu. I haere mai koe i a Pahiko ? Ae. Ko au a Natana, kei a koe pea nga riini i waeatia atu nei e au kia tukua mai ki au. Tere tonu te whahoki atu a tera, ae, ina tonu. Ka tangohia atu e Natana, ka puma ki roto i tona pakete. Katahi ka ki atu ki tera, kei te pai: maku e man ake kia tirotiro tahi mana ko te wahine nei i te mea pai, kia kitea ra ka tiku atu ai au i te toenga. Ko te karaka i korero atii ra au kaore i konei, kua riro ke atu ia ki taku toa nui. Maku ra e tono atu tetahi o aku tangata kite man atu. Te taenga atu o te tangata a Pahiko ka korero atu i ta raua whakariterite ko Natana. Katahi ka hopu te ngakau o te rangatira ka vvhakaaro ia, katahi ano e Natana ka mahi penei. Ka haere ia ki te waea, kei te patu atu ki a Natana. Katahi ano a Natana tika ka korero mai. Ka karanga
atu a Pahiko, nau i waea mai kia tukua atu he riini hei aroha mau ki tetahi wahine ? Ka whakahokia mai e Natana, kaoreau i te waea atu ki a koe mo te riini, he korero tauhou tena ki au. Heoi ano, kua mohio a Pahiko kua rarua ia te maminga. He ahu atu ki nga pirihimana, kaore hoki e taea. Hare atu ana a katuarehe me ona taonga i tahae ai i te ra e whiti ana.
Permanent link to this item
https://paperspast.natlib.govt.nz/periodicals/PIPIWH19120501.2.10
Bibliographic details
Pipiwharauroa, Issue 168, 1 May 1912, Page 8
Word Count
614TE MATAURANGA O TE TANGATA TAHAE. Pipiwharauroa, Issue 168, 1 May 1912, Page 8
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.