TE KOTAHITANGA O TE AUTE.
Muri iho i te Tangi mo Mata Herewini ko te rapu ingoa hou mo Te Kotahitanga o nga Tamariki o Te Aute. I mea a te Tatana he mea nui rawa tenei kite Aute kite Iwi Maori katoa te hanganga he ingoa hou mo te Kotahitanga. I timata tenei Kotahitanga ki Te Aute, i whanau ki reira, i whangaia, i whakakakahuria, i iriiritia ki Te Aute, ka 10 nga tau o ta ratou tamaiti, tena inainei e tonoa ana kia whakahoutia te ingoa o ta ratou
tamaiti ka 10 nei ona tau a ko te tangata e tohe nei kia iriiria houtia ko letahi ano o nga tungaane o ta ratou tamaiti—ko Apirana Turupa Ngata, M.A., LL.B., M.H.R. He tamaiti pono a Apirana na Te Ante, na reira he take tino nui ano i hiahia ai ia kia whakahoutia he ingoa mo te Kotahitanga. Ko te he o te ingoa tawhito he tutaki i etahi tangata ki waho ahakoa e hiahia nui ana ratou kite tautoko i nga mahi ate Kotahitanga. E rua nga tino take tenei Kotahitanga : Tuatahi, he whakakotahi i nga tamariki o te Aute: Tuarua, he hapai i te Iwi Maori, heoi kite whakaputaia ketia he ingoa, ka he te putake tuatahi. Ko te ingoa hei te ingoa tau, reka kite taringa, kaua te ingoa reka kino. Hei konei ka panuitia e Te Tatana te ripoata a te Komiti i whakaturia i te hui i Rotorua hei whiriwhiri ingoa; ko ta ratou ingoa i whakatau ai ko Te Kotahitanga o Te Aute.
I mea a Rev. Nikora Tautau ko te ingoa pai ko Te Kotahitanga o te Iwi Maori.
I motinitia e Wi Paraire ko Te Kotahitanga o Te Aute he ingoa. I tautokona e Reweti Kohere te motini aWi Paraire. I mea ia me whakaae ko ta te Komiti ingoa i whiriwhiri ai no te mea he roa te wa i ata rapu ai ratou he ingoa, a he tikanga hold me tautoko ta te Komiti mehemea kahore he take nui e taka ai ta ratou na ingoa. Ko te wahi kino o te ingoa tawhito ko " Nga lamariki o te Aute," he arai atu i nga tamariki o etahi atu kura. Kahore he he o te puritanga i“ Te Aute," kia matauria aits wahi i whanau ai te Kotahitanga kite ao, kia whai matua ai hoki hei penapena, no te mea c matauria ana ko te taonga a te iwi katoa he kai na te kuri. Ahakoa kite piri tonu te ingoa o te Aute e kore e kill no Pe Aute anake tenei Kotahitanga, mete Kotahitanga o te Tiriti o Waitangi kahore i kiia no Ngapuhi anake engari no nga hapu Maori katoa.
I mea a Rev. Ahipene Rangi ko tana ingoa, ko te Kotahitanga Maori o Te Ante. I whakaae a Wi Pere kia waihotia tomitia te ingoa o Te Aute no te mea kei te titiio katoa nga kanohi o te Iwi Maori ki T.e Ante, kei te tono moni ki Te Aute. Na te Kotahitanga o Waitangi i whakamutu te hoko vvhenua, a he kaumatua ia i hapai i taua Kotahitanga, kahore nei ano kia mate. Ki te kapea te ingoa ote Aute kite tukua kite iwi nui te whakahaere ka mate, e kore e ora. I tautoko a Tame Arapata i Pe Kotahitanga o Te Aute.
I mea a Rev. F. W. Tiatene he mea taikaha rawa te whakahou i te ingoa, ko tana ingoa pai koTe Kotahitanga o te Ante, no te mea ko te Kotahitanga he Komiti hei math i waenganui ite iwi nui. Hei whakamaharatanga ano hoki ki a Te Wiremu te waiho tonu i te ingoa o te Ante kia man ana, ko ia hoki te papa tuatahi o te Kotahitanga. I te pootitanga tan ana he ingoa ko :—Te Kotahitanga o Te Ante.
Permanent link to this item
https://paperspast.natlib.govt.nz/periodicals/PIPIWH19070901.2.5
Bibliographic details
Pipiwharauroa, Issue 114, 1 September 1907, Page 3
Word Count
643TE KOTAHITANGA O TE AUTE. Pipiwharauroa, Issue 114, 1 September 1907, Page 3
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.