NGA MINITA TOKORUA.
AURERE ana te tangi a Niu Tireni, kei roto i te whare pouri e noho ana; whiti ana te poho, oho ana te manawa i te taenga mai o te rongo kua mate a Te Hetana, kua hinga whakarere kite uma o te Moana-nui-a-Kiwa, i motokia ohoreretia e te ringa kaha, e te ringa u o Mate. E tiorooro tonu ana i roto i ona taringa nga kupu whakanui whakahonore a nga tangata rarahi o Ahitereiria, e huri ana te aroaro whakatekainga, kite hautu i tona waka i a Aotearoa, i hautu ai ia mo nga tau tekau ma toru, ka pakia nei ia e te ringa mana o tc mate, hinga ana ia, moe ana ite moenga roa. No mate te mana nui atu, kahore ana whirlwhiri i tana e tango ai. Ka ngaro aTe Hetana i ona marae i nga runanga nunui ote Kingitanga. Ko te Hetana te tangata nui atu o te Paremete o Niu Tireni ; he maha ana ture nunui i hanga ai, he ture kahore nei i era atu kawanatanga o te ao, he ture kei te akona e nga whenua nunui. Te Ture Penihana Kaumatua, Whakanohonoho i nga rawakore kite whenua, Tuku ite mana turaki i te hoko waipiro kite iwi, Ture Whakangawari i nga totohe i waenganui i te rangatira me te kai-mahi, Hanga \\ hare mo nga tangata mahi, Hohipera hei whanautanga mo nga wahine rawakore; me era atu ture maha. Na.Te Hetana i hapai te ingoa o Niu Tireni ka rangona e te ao katoa, nana i tapa a Niu Tireni, "Ko to te Atua ake whenua." Tika ravva mo Te Hetana nga kupu a Rawiri mo Apanere,
ati* "Kahore ia nei koutou i matau, he rang ra, he tangata nui, kua hinga nei inaianei i roto i a lharaira ?" " Ka whati ra e taku rau kotuku, Taku arai riri kite nui ote kino. Nga hui e tau i roto o Poneke He hinganga whare nui hei au anake ra. Haere e koro i te ringa o aitua, Unuhia i te rito o te harakeke Ka tu i te aro a kapa Aku nui, aku rahi, aku whakatamarahi Kite rangi. Waiho te iwi mana e mae noa ! Tenei ano tetahi minita i ohorere tonu te matenga, kei te tangihia e matou. Kahore i oho te motu katoa i tona matenga, kahore i oho nga kainga i tata tonu kite wahi i hinga ai ia, kahore he tangihanga, kahore he korero, kahore i iri tana nga kara. I tata kite 90 nga tau o Matiaha Pahewa ka mate nei i te 5 o ngarao Hune i tata kite 50 nga tau i ngaki ai ia ite mara waina a tona Ariki, i kauwhau ai i te Rongo Pai—e 50 nga tau i mahi a i ia ite painga. mo te katoa , kahore he umere kahore he whakahonore a te tangata, e ano pea te oranga ite tau. I kaha ai etahi tangata kite mahi na te nui o utu, na te whakanuia na te korerotia e te tangata, ko te tino tangata nui atuia kote tangata iu tonu ki tana mahi,ehara i te mea na teutu, nate whakahonoretia ranei e te tangata. engari na te mea he mahi i whakaritea mana, hei mahinga mana kite tangata kite Atua. He tangata nui a Te Hetana, he t angata pai.te Minita a te Kingi, otira kahore tatou e mohio, he nui ake pea a Matiaha, tate Atua minita. Ko ta te Atua mehua he rere ke
IE £*T'g I ita te tangata mehua ; e mea ana te Karai- % i piture, "Ko te mea nui hoki i nga tangata |j j hei mea whakarihariha kite aroaro ote | | Atua." "He mea utu nui ki ta Ihovva titiro g. te matenga o tona hunga tapu." Hoatu | I ra e koro, hca'.u ra ki tou okiakinga. Tena f : te reo powhiri e rangona e koe, "Pai rawa t | ete pononga pai ete pononga pono ; pono | tonu to mahi ki tona hunga tapu." Hoatu ij ra e koro, hca'u ra ki tou oki :k;nga. Tena 81 te reo powhiri e rangona e koe, "Pai rawa || e te pononga pai e te pononga pono ; pono j| tonu to mahi ki nga mea ruarua; maku koe || Ie mea hei rangatira mo nga mea raaha ; if uru mai koe ki te hari o tou Ariki." Tena g ano te karauna piraukore kei te rongoa I i tou Ariki mou. |
Permanent link to this item
https://paperspast.natlib.govt.nz/periodicals/PIPIWH19060601.2.2
Bibliographic details
Pipiwharauroa, Issue 99, 1 June 1906, Page 1
Word Count
739NGA MINITA TOKORUA. Pipiwharauroa, Issue 99, 1 June 1906, Page 1
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.