Pita Poipoi.

Kopara, Issue 88, 30 June 1921, Page 9

Pita Poipoi.

KO Pita Poipoi he tangata kaore ano kia hau ona rongo penei i o Ratana ; no reira ko'te huarahi ka tuhia nei enei kupu hei kotipu i te mahi a Pita Poipoi kei horapa te rongo ka pohehetia mai e nga iwi noho tawhiti e koia ano he mahi nui tenei kei roto oTe Mahanga wahi oTe Mahia. Ko Pita Poipoi he tangata tuturu no te Mahia, he tangata ataahua, he tangata whakahara nana rawa ia i whakahe, he tangata kaore e tino kaingakau kite whakamahi i ona uaua. I haere a Pita ki te whawhai. I aia i Ingarangi ka marena ia ki tetahi wahine pakeha, ka hoki.mai ia ki te kainga nei ka mauria mai e ia tona hoa. Ka rua pea ka torn ranei a raua tamariki. Ko Turanga nei te wahi tnatahi tonu i noho ai a Pita raua ko tona hoa engari no te uaua o te whai i te oranga ki Turanga nei ka hunuku raua ki tona kainga tupu ara ki te Mahia. I a Pita ka taenei kite Mahia ka timatatia eiako te mahi e mahi' mai nei ia inaianei ara ko te whakaporopili i a ia. He whakamarama poto tenei no tana mahi. I mea ia kua whakakitea e te Rungarawa tetahi piihi konra ki a ia kei te takiwa tonu o te Mahia taua koura. I muri iho o tenei whakakitenga ka rangaia e Pita he kete kotahi tiini te roa e warn inihi te hohonn. E whitu nga tau ote kete i tetahi taha me tetahi taha. Ko te kete he mea whakawhata ki runga i etahi pou e whitu i tetahi taha e whitu i tetahi. Ko nga poa i.te taha tai ko te “ Hokowhitu a Tu” ko nga mea i uta ko te “ Hokowhitu ki Uta.” I raro iho o tenei kete ko tetahi rourou e whata ana ano. Te kete roa nei i hangaia ai'e Pita hei pupuri i nga whakapapa.o te tangata mai i a Tumatauenga tae iho ki aia ake ki te kore te tangata e mohio kite whakamoemoe haere kaore ona whakapapa i urn ki roto i te kete. Kaore e kitea te hanga whakapapa nei i roto i te kete engari kei reira e takoto wairua ana. Te rourou hei panganga i nga whitu ara a te hunga e hiahia ana kia whai hea ratou ki roto ite koura kua kitea nei e Pita. Kei te tangata te hiahia mo te panga kotahi whitu rua whitu ranei nuku atu ranei nga whitu. Ina rate kotahi whitu he whitu hereni, te rua whitu he tekau ma wha hereni, te toru whitu he pauna kotahi hereni. Apiti atu ki enei ko tetahi pou tekoteko kei te kainga o Ngatirangi takiwa o Nuhaka, kei runga o tenei pou tekau ma rua nga whakaata. Ko te pou kua iriiritia ko Hohepa ko nga whakaata ko nga hapu tekau ma rua o Iharaira. Hei tawhiti tonu tangata ka kitea atu e Hohepa e haramai ana kaore e ngaro a hei tawhiti noa atu ka kite mai te tangata i a Hohepa e tiro atu ana. Ka mutu enei whakamarama. E hoa ma koutou noa ra e titiro mai ko tetahi mahi tpio “ hamupaka” tenei ki raro ote ra. He mangere no Pita Poipoi kite mahi ka tahuri ia kite rapu i tetahi huarahi tino ngawari e puta mai ai he moni mana rokohanga hold ka hoatu tana kaupapa ki

etahi Maori kuare amine tonu mai awhina tonu mai. Kei te mahi moni a Pita kaore e heke te werawera kaore e aha, ana puta mai a te koura a ona wa kore noaiho ranei hei aha tena ki a ia i te mea e haramal ana te mahi a te whitu ki roto i tona peeke. He kupu whakamutunga ake ko te mahi a Pita kaore i te awhinatia e nga iwi ahua whenua o Nuhaka o te Mahia e nga rangatira hoki. No reira ka tae atu nga rongo oto matou poropiti ki a koutou e nga hoa kaua hei tahuri te taringa me te ngakau.