He Titorehanga no te Hahi o Roma.
EUA tae mai te whakaatu no Akarama, he taone no Korotia (Croatia), mo te ahua o nga pirihi o te Hahi o Roma kei reira. Ko to ratou tokomaha e 400. Kua tono ratou kia hoatu ki a ratou ano te mana whakatu i etahi Pihopa mo ratou : tuarua, kia whakakorea atu te reo Ratina i roto i a ratou karakia; tuatoru, kia tukua ratou kia marena kite wahine.
Kaore e hapa te ora ote Rewharewha mete Maremare i te Woods’ Great Peppermint Cure, 1/9, 2/9 patara.
Te tokomaha o nga tangata o Niu Tireni. I a Hune te 30 o nga ra ka huri ake riei, ko te whakaatu a te tangata a te Kawauatanga mb te tokomaha o nga tangata katoa kei Niu Tireni nei 1,241,295, He None i oma. Tera tetahi None i oma mai i roto i te whare o nga None i tetahi kainga ko Wagga Wagga te ingoa, a tae mai ana ki Sydney ka noho kite whare o tetahi minita. Kihai i roa ka puta te warati a te Pihopa Rom ana Katorika kia hopukia tana None._ E rua nga putake i roto i taua warati i tika ai kia hopukia taua None. Tuatahi, eki ana i roto i taua warati he porangi , taua None; tuarua, e kore e taea e ia ano tetahi oranga mona. I raro i enei putake e rua o te warati, ka hopukia te None nei, ka mauria kia whakawakia. Ko te whakatau a te Kooti me waiho kia whitu nga ra kia tirohia e nga Takuta, he porangi ranei kahore ranei. Ka rite te wa ka mauria ano te None nei kite Kooti. Tino nui te tangata i tae kite whakarongo ite whakatau a nga Takuta. Ko te whakatau a ngaTakuta, kahore rawa he porangi o taua None, ano konei ka tukua ia ete Kooti kia haere. Nui atu te koa o nga tangata i tae kite Kooti mo tenei whakatau.
Permanent link to this item
https://paperspast.natlib.govt.nz/periodicals/KOPARA19200831.2.12
Bibliographic details
Kopara, Issue 79, 31 August 1920, Page 10
Word Count
331He Titorehanga no te Hahi o Roma. Kopara, Issue 79, 31 August 1920, Page 10
Using This Item
See our copyright guide for information on how you may use this title.