TE RAU TAU O TE WHAKAPONO.

Kopara, Issue 13, 1 October 1914, Page 1

TE RAU TAU O TE WHAKAPONO.

KUA eke inaianei ki te rau tau te kauwhautanga ote Rongopai kite iwi Maori. Kite whakaaro he wa tinot tika rawa tenei hei whainga ma te Hahi Maori kia ahu whakamua tana haere. E rua marama etu mai nei ka eke ai te rua o nga rau tau e whakaakongia ana te whakapono Karaitiana; a ko te putake o enei kupu he whakaohooho i nga whakaminenga Maori katoa i tena wahi, i tena wahi : he karanga ki a ratou kia whakatakatu, kia mea, ae ka haere whakamua ratou pera me era atu Hahi o nga Iwi kiri mangu e whakapau mai ra i te kaha i tena wahi, i tena wahi o te ao kia piki te kaha o te whakapono i waenganui i a ratou kia ahu whakamua katoa nga mahi o te whakapono. He mea marama tena ki te kahore e ahu whakamua tetahi mea i tenei ao kei te tu ranei, kei te ahu whakamuri ranei. Mehemea kei te tu, kei te hold whakamuri ranei he tohu mate. Mehemea kite kore tetahi rakau e whai rau hou he tohu tena e kore e roa ka maroke taua rakau ka mate. Waihoki te Hahi kaore e kitea ona rau hou ara nga mahi iriiri, nga whakapa me era atu whakahaere e kore e roa ka maroke, ka mate: me te whakaminenga Maori e kore ana e whangai i tona ake minita e kore e roa kua mutu te whakaaro ake ki to ratou minita ahakoa ana he atu ana aha atu ranei. £ mea ana te Apotoro a Paora, “ I te mea kua ruia atu nei e matau nga mea wairua ma koutou, he mea nui ianei kite kotia e matou akoutou mea ote kikokiko.” 1 Kov. g, n. “Te tangata ano e whakaakona ana ki te kupu me whakawhiwhi eia tono kaiwhakaako ki nga mea pai katoa.” Kay. 6, 6. Ko ia tenei ko tetahi tino tohu e mohiotia ai ae ko te whakaaro tenei o te Hahi Maori ara kia ahu whakamua tana haere ko te whangai oia whakaminenga Maori, o ia whakaminenga Maori i tona minita, i tona minita ; a kia kati te waiho ma te pakeha tonu e whangai. Ka taea noatia atu tenei i nga Pariha kua maro te haere o nga mahi a e ahu mai ana hoki he awhina i nga moni tapiri o waho. Haunga ia nga wahi penei ite Urewera

e tika ana enei tu wahi kia riro ma te pakeha e awhina no te mea kei te timata atu ano nga mahi o enei tu wahi. He take tenei kua ata whakaarohia e te Pihopa o Waiapu ratou tahi ko te Komiti nui o te Hinota Topu o tona Pihopatanga, a i te tunga o te Hinota i tenei maratna ka pahure ake nei ka paahitia a ratou whiriwhiringa e taua hui, koia enei a ratou whiriwhiringa e whai ake nei, ara : 1. Me tukutuku te oranga mo te Minita Maori, i ia marama, i ia marama. He mea nui tenei, engari e tore e taea kite kore e tukua ki Nepia e nga Pariha Maori he oranga mo te Minita. Ma te tuku wawe i taua oranga e tae wawe ai te oranga ki te Minita. 2. Kia tangohia i te oranga o ia Minita o ia Minita e i te tau mo te Poari Penehana. Kotaua £l-0-0 te mea e riro mai ai te Penehana mo te Minita ina kaumatua ia. kite mea ranei e pangia ia ete mate. 3. Ko te oranga mo nga Minita o Heretaunga, o Rotorua hoki, ma te Hahi Maori anake e whakarite, ara ma te Tahua Oranga Minita, tetahi wahi, ma te iwi o te Pariha tetahi wahi. Hah ore e tino rite te hua ote Tahua Oranga Minita kite oranga mo nga Minita: e £9O-0-0 e hapa ana i to Heretaunga, e £4O-0-0 i to Rotorua. 4. Kia pera ano te tikanga mo nga Pariha o Turanga, o Whangara, o Tokomaru, o Hikurangi, o Waiapu, o Te Kawakawa, o Te Kaha: ara ma te Tahua oranga Minita, ma te iwi o te Pariha e whakarite. Ko te moni e hapa ana mo ena pariha e whitu ka tata ki te £4OO. 5. Kia ata inihuatia nga Whare-karakia katoa me nga whareminita. 6. Kia whakapangia ki nga Pariha Maori tetahi wahi o te utu mo te Hinota Pihopatanga i ia tau, i ia tau, kia kaua e waiho ma te taha Pakeha anake taua pikaunga. 7. Kia whakamaharatia nga Pariha Maori ki nga kohikohi i whakahaua e te Hinota ara :— Mo te Hahi Maori, a te Ratapu tuatahi o te Haerengamai. Mo nga wahi rawakore o te Pihopatanga, a te Ratapu tuawha o Reneti, a te Ratapu tuatahi hoki i Hepetema. Mo Meranihia, a te Ra Petekoha.