Kia Rakaiwhakairi Katoa.

Puke ki Hikurangi, Issue 26, 25 November 1905, Page 2

Kia Rakaiwhakairi Katoa.

Te Momo Kingi, Paratene Matenga, ara, kite Iwi katoa i roto ite rohe ote Tairawhiti, tena ra koutou katoa, i roto i te aroha e to tatau ariki o Ihu Karaiti Amene. He poto no nga ra koia ka tuhi a-reta noa atu ahau kia koutou, nin rnnga i te take o taaku taemai ki roto o Wu.rnrapa nei. (1.) TuatahL-kua vwhaknana al-uu hei mema mo te rohe o te Tairuwh.ti nei. (2.) Tuarua i haere mai ahau Ki le whakaatu i eku take, hei tirohanga ina koutou e riro mai ai o koutou pooti kia au, e kore ai ranei, otira ki toku whakaaro me pjoti tonu mai koutou kia au i runga i aku take, koia teua:— Tuatahi ko ahau he tangata aroha, kite tangata, kite whenua. Tuarua e pouri ana ahau kite iwi Maori kei noho kore whenua tia. Tuatoru e pouri ana ahau kite Ture muru whenua nei. Tuawha e pouri ana ahau, kite tangohanga ate Kaunihera i te mana o tatau whenua kia ratau. Tuarima e pouri ana ahau, mo te kaha o te whakaaro o Wi Pere ko te Kaunihera me ona hoa hoki kua whakaari nei ia ratau hei mema, ara, ia Apirana Ngata, ia Ihaia Hutana, ia Mohi Atahikoia. Tuaono e pouri ana ahau ki oku boa mema notemea ko ratau tonu hoki nga tangata Tautoko te Ture Kaunihera, me ta ratau mahi tonu i nga tikanga katoa o tenei Ture Kaunihera. Tuawhitu e pouri ana ahau, mo te putanga mai o tenei muru whenua i roto i nga wbakahaere, a te Kaunihera whenua, a ko aku hoa kua whakaari nei ia ratau hei mema te kai hapai o tenei Ture, a, kua tahun mai ta ratau Ture e hapai nei ki te kohuru i o tatau toenga whenua, na konei ahau i whakaaro ai.

Kahore noa iho he pamga kia pootitia hei rnerna, eocemea kua aitua te iwi 1 runga i a ratau whakahaere, -.vaihoki me penei to ratau ahua i roto o enei ra, uie noho ratau i roto i tenei mea nui, kua whakapangia nei e te

Ture Kaunihera nei ki ruriga kite iwi Maori, ko taku tino whakaaro, me waiho ratau e te iwi kia noho ana i roto i te whare tana, m'o tatau kua kiia nei e te Kaunihera, kia tangohia noatanga atu o tatau whenua, i runga i tona ringa kaha ahakoa kahore tatau te iwi Maori e whakaae, ko tetahi' ko ratau kei roto i te kupenga a te Kawanatanga e okeoke ana, a, ka pewhea ai ra putanga mo ratau whakaaro ki waho o te Kawanatanga titiro mai ai ki tenei Ture muru whenua, notemea kua haina ke nei hoki ratau kite pukapuka a te Kawanatanga. I raro i tenei Tore Kaunihera ki taku whakaaro noa ake na to ratau whakaae kia peneitia tatau te iwi Maori i baina ai hoki ra ratau i o ratau ingoa ki raro o tenei Ture, no konei ahau i tono ai kia koutou ki Le iwi kia waiho roaku te rapu i te ora mo tatau i roto o enei tau e takoto mai nei i mua i o tatau aroaro, ara ko taku rapu i te ora mo tatau koia tenei, he tino arai atu i tenei Ture muru kia hoki atu kite iwi Pakeha, kia kore kia tatau kite iwi Maori, i te mea kahore tena Ture i roto i to tatau Tiriti, i hangaia nei e to tatau Kuini atawhai i te 1840 te tau. Ko tetahi he rapu naku he aha rate tino take i riro ai te mana o tatau whenua kite Kaunihera, notemea kahore he waahi i roto i te Tiriti o Waitangi, e ki ana,, ko te. Kaunihera he mana ki runga i o tatau whenua. Ko taku whakaaro me mau tonu kia tatau kite iwi Maori te mana o tatau whenua ake i raro i te wahi tuarua o te Tiriti o Waitangi e ki ra, hei a tatau tonu te mana o tatau whenua me o tatau kainga me o tatau taonga katoa. Mehemea he take kia kaua o tatau whenua e hokona, pai atu kia au tera take, mehemea ra ia koia rate take o te tango a te Kaunihera i te mana o tatau whenua kia ia, otira e te iwi mei pera kua kore e murua kinotia o tatau whenua, ko tetahi kua kore e whakapurangatia he moni hoko whenua Maori i roto i enei ra, ara kua takoto i te Kawanatanga £ 750,000 pauna hei hokohoko i o tatau whenua i rare i te Ture muru whenua nei. No enei take ka tino marama i toku whakaaro, kahore he painga kia tatau, e waiho noa atu ai te mana o tatau whenua ki tenei iwi kohuru ia tatau i te iwi Maori. Ko tetahi take rapu aku, nawai te tangata nana i hoatu tenei mana kite Kaunihera, nawai ranei te iwi, mete hapu, nana i haina tenei mana kia riro i te Kaunihera, ina hoki ko au me oku hapu, me era atu hapu, kahore rawa ahau i te mohio i takoto he pukapuka whakaaetanga a matau kite Kawanatanga, kite Kaunihera ranei, e mohio ai au, ae kei te tika te rironga o te mana o tatau nei whenua ki raro o te mana o cenei Ture Kaunihera, na konei ahau e te iwi i whakaaro ai ahau kia tino whai mai koutou ki raro i oku whakaaro, a ma te tuku mai o koutou i o koutou pooti kia au, e tutuki ai ia au e nei whakaaro ki roto o te wahi o te tatauranga, ko ahau he tangata kua hapai noa

aiu i te patu mo cenei Tnre tae noa mai kia au e tuhi atu nei i tenei reta kia koutou, haere ake nei. Pai rawa atu maku ma te ringa kahore ano kia para noa i nga tikanga a te Kaunihera, e whawhai atu enei tikanga. e mahia mai nei ki runga ia tatau i te iwi Maori. E te iwi heoi ario mabaratanga kite tangata hei acai atu i enei tikanga, 1 te mea kei te tarewa tonu, kei tukua kia kakati nga niho kite whenua kahore e taea atu, a, ka moumou noa iho te mamaetanga o tatau ngakau i roto o enei ra. Tonoa ra ahau e koutou kite kawe i nga pouritanga o tatau ngakau i roto o enei ra, me krre noa e roaroa atu nga rangi o te mate, e nuku atu ite rua tau, kite hia ranei tau ka mate ai tatau. E te iwi e mohio ana ki aku wbakabaere, boki mai te mahara kia au i roto i tenei wa poto, kia mau te mahara ko au bei punga mo koutou, a tae noa ki tona mutunga. Kia ora koutou ma te wairua o te Atua koutou e whakamarama kite kino, kite pai, kite mate, kite ora. Heoi na to koutou pononga e tuturu atu nei ki raro i o koutou takahanga waewae. Tuhaka Mokena Kobere.