THE MATUHI PRESS. Wenerei, Akuhata te 16, 1905. KI TE ETITA O TE MATUHI.

Matuhi, Volume II, Issue 99, 16 August 1905, Page 2

THE MATUHI PRESS. Wenerei, Akuhata te 16, 1905. KI TE ETITA O TE MATUHI.

E tama tena koe, he inoi whakatangitangi i puta atu i roto i te korekoretanga o tipuna, me o matua ka ngaro atu kite po, ahakoa hauarea to mokai maue haere mai e tomo toku nohoanga, mauahau e tutoro mai. E tama Te Wainohu tukua mai he Matuhi moku, "ara," te manu na, kia rere mai kia au.

He Ori Ori mo te tono a to Mokai. E tama ahaku, i to kunenga mai i tawhiti, i to nuinga mai kite whakaringaringa kite whaka-waewae, kite whaka-kanohitanga, ka maanu e tama te waka ia Ruatea, ko Kurahaupo ka iri mai taua i runga i Aotea, te wakai a Turi ka u taua te ngutu whenuakura. Haua iho te wharerangi, tiria mai te kumara, ka ruia mai te karaka, kite tai ao nei, keria mai e hau ko te puna tama-wahine, ka waiho i ona tuahine, i Nonokouri ia Nonokotea, ko te Hererua ko te Kohunga, kapua mai e Hau ko te one, ko te tokotoko, ko tona ringa ka whiti i te awa ka nui ia ko Whanganui, tiehutia te wai ko Whangaehu, ka hinga te rakau ko Turakina, tikeitia te waewae ko tikei ka ta tu e tama ko Manawatu, ka rorohi _o. taringa ko Hokio, waiho te awa iti hei ingoa ki Ohau, takina to tokotoko ko Otaki, ka memeha e tama ko Waimea, ka ngahae nga pi ko Wakanae, ka tangi ko te mapu e tama, e kite koe ia Wairaka matapoutia, poua ki runga poua ki raro, ka rarahu e tama ka rarapa e tama o konohi ko VVairarapa, te rarapatanga o to tipuna e

tama, ka moiki te ao ko te pai a Whaitiri, kuinea kia warea kai tangata ki waho kite moan a, hanga te paepae poua iho te pou, whakainaro o te rangi ko Meremere, waiho te whanau ko te punga o to vvaka, ko te awhe ma kaati ka whakamutu e tama ei. > Ngawhare Teatua, Porangahau. Akuhata 5 1905.