the road’. Kei te he tenei. Anei na te mea tika, ‘Kei te huarahi a Rangi’. Anei ano tetahi korero he a te tamariki; ‘Rangi is with Peter’, ‘Kei te taha i a Pita a Rangi’. Anei na te korero tika, ‘Kei te taha o Pita a Rangi’. Kua waihotia hei tikanga, a kaore nga koeke i te watea i tenei he, ara, te whakaranu i te Reo Maori ki nga kupu pakeha, ahakoa he kupu ano a te Maori. He aha i kiia ai, rukauta—look out—i kore ai e kiia kia tupato? He aha i kiia ai, pohara—poor fellow—i kore ai e kiia rawa kore? Ka poriro to taua reo rangatira i tenei tikanga pohehe.
O TATOU INGOA MAORI Kua waihotia hei pepeha ma te ao katoa te patai a Hakipia. What's in a name! that which we call a rose, By any other name would smell as sweet, He aha kei te ingoa! te mea e kiia nei he roohi, Ahakoa he aha atu he ingoa, ko taua kakara ano. Ki te kia te roohi he puha, ko taua kakara ano, engari hoki me he mea ko Roohi toku ingoa e kore au e whakaae kia karangatia au ko Puha. He iwi tohunga o tatou tupuna ki te tapatapa ingoa. Whakarongo ina: Potatau, Heuheu, Rauparaha, Rangihaeta, Turoa, Moananui, Takamoana, Tomoana, Te Atahikoia. I enei ra ia kua whai ke taua i nga ingoa pakeha. Na Manu i korero mai ki a au i nga tau e kopikopiko ana ia ki te tirotiro i nga kura Maori, i kite ia i te panui o tetahi toa hokohoko na te Maori. Anei na te panui. Moses and Habakkuk Ko Mohi raua ko Hapakuku I mahara pea te hunga no raua te whare hokohoko, kei te tau atu ta raua panui. He hemonga tonu no era iwi te ingoa pakeha. Ko te ingoa o toku tupuna nana nei au i kiia ai he tangata, ko Mokena Kohere. I kiia matau nga uri ko Nga Morgans. I au i tae ai ki te kura, ka tuhituhia toku ingoa ko David Morgan. Ko tenei toku ingoa i au i Te Aute, no tera wa ano hoki au i anuanu ai ki taua ingoa. No toku haerenga ki te university hohoro tonu taku tapahi atu i taua ingoa, taku whakawhiti ki a Kohere—Reweti Kohere.
* … POST THIS ADVERTISEMENT AND RECEIVE A CASH REDUCTION ON YOUR UKELELE, GUITAR, PIANO, OR BUTTON ACCORDIAN “UKELELES” from 27/6 to £3-5-0 A ‘FREE’ Tutor goes with every instrument PIANO & BUTTON ACCORDIANS The finest range of Accordians in N.Z. Stocked at prices ranging from … Piano Accordians £22-0-0 Button Accordians £11 GUITARS Large range of Spanish or Steel. From £5 … Electric from £22-10-0 Write today for particulars of instrument you require. NAME _______________________ ADDRESS ____________________ Easy terms available at … , P.O. Box 2360, Civic Square. Auckland