KO TE WHAKAHAERE HUI Tera ano nga takiwa e kore ai e taea te whakhaere Maori noa nga hui whai take, he ao hou tenei me ona ahuatanga. He pai tonu nga whakahaere hui a te Maori engari he kume roa kei ta te Pakeha te ringa poto. I tera putanga O Te Ao Hou ka haere nga whakamarama mo te ata whakararangi i nga take mo te hui kia rarangi tonu ai te haere a te korero. Na me ata whakamarama ake ano me pehea te whakahaere o te hui. Kei te Tiamana te totikatanga o te hui—ka pai te whakahaere a te Tiamana ka whai take te hui—ka poauau te Tiamana ka pera ano hoki nga take o te hui. Ko te whakaaro o te tangata mo te tane anake tenei tunga te Tiamana, otira i enei ra kei te piki mai te tokomaha o te wahine kua tu kei tenei tunga. E toru nga mea kia mau ki roto ki nga whakaaro o te wahine ka tu hei tiamana mo tetahi hui. Tuatahi me marama taua wahine ki nga take mo te hui. Me ata whakarongo hoki ia ki te aronga o nga korero o te hui. Tuarua kia pai tana whakahaere i taua hui me haere tonu hoki nga korero a nga kaikorero i runga i te aronga o nga take kei te aroaro o te hui. Kaua tetahi tangata e poka noa ki te tu ki te korero me matua whakaae ranoa te