tiamana. Ki te whakapuaki taua tiamana i ona whakaaro kaua e numinumi te whakatakoto o te korero kia hangai ki runga i te aronga o nga take o taua hui. Me tuku ia kia tu te tangata ki te korero engari kaua e auau te tu a kaua hoki a kotiti ke nga korero a kaua e tapatahi tona ngakau. Tuatoru—a ko ia nei te tino mea—me marama taua tiamana ki nga ture mo te whakahaere hui. E rua enei momo ture. Tuatahi ko nga ture kei te kaupapa a tona ropu e mau ana, a e tika ana kia tino marama ia ki enei, a ko nga ture hoki e pa ana ki nga whakahaere hui. Ina e whai ake nei he tauira.

KO TE KAUPAPA O NGA TAKE MO TE HUI 1. Ka whakapuare Te Tiamana i te hui me te whakarongo ki nga mihi mo te ngaro ke. Ko Te Tiamana: Kua puare ra tenei hui a tenei peka o Te Ropu Wahine Maori Toko i Te Ora. Ko Mrs P.: I tuku mai a Mrs N i ana mihi ki tenei hui me tona pouri e kore ia e tae mai i te mate o ana tamariki. Ko Te Tiamana: Kia ora koe Mrs P. Ka tuhi te Hekerettari i te mihi a Mrs N me tana whakamarama mo tona ngaro ke ki te pukapuka o nga meneti. 2. Ko Te Whakatau i Nga Meneti o Te Hui O Mua Atu. Ko Te Tiamana: Tena e Mrs W. panuitia nga meneti o te hui o mua ake nei. Ko Te Hekeretari: E Te Tiamana, … Ina ka panuitia nga meneti o te hui a marama a te peka o o te Ropu Wahine Maori Toko i Te Oro i tu ki i te Wenerei te 6 o nga ra a Mei 1953 i te 2 o nga haora o te ahiahi. Tekau ma wha nga wahine i taua hui a i tae mai nga mihi me nga whakamarama a Mrs W raua ko Mrs T mo to raua ngaro ke. Ko te Perehitene ko Mrs P te Tiamana. I puta nga manaaki a Mrs P ki nga wahine tokotoru he manuhiri no te peka o o te Ropu Toko i Te Ora. Ko te kaikorero mo taua ahiahi ko Mrs K. I panuitia nga meneti o te hui o mua atu a whakataua ana e te Tiamana. Kaore he take i hua mai o aua meneti. I panuitia a te Hekeretari tetahi reta na te Ropu Wahine Institute o e pohiri mai ana kia tukua atu kia tokotoru nga wahine o taua peka o te Ropu Toko i te Ora hei hoa mo ratou ki tetahi komiti hei whakariterite mo nga ahuatanga e pa ana ki nga mahi whakamatakitaki tunu kai mo eketopa. Ka whiriwhiritia taua take a whakataua ana ko Mrs P ko Mrs W a ko Mrs O e haere hei mangai mo taua peka. Na Mrs M te motini na Mrs T i tautoko pahitia ana.