TE KURA I HUKARERE.
He mahi nui na te Hahi i te Pihopatanga o Waiapu kua katia i enei ra, i te mea kua pau nei i te ahi te whare o te Kura i Hukarere i te 21 o nga ra o Oketopa. No mua, ara no te tau 1847 i tiniataia ai tenei mahi c Te Wiremu, Atirikbna (ko ia nei te Pihopa tuatahi o Waiapu), no taua tau nei hoki i maranga ai he kura kotiro Maori ki Whakato, wahi o Turanga. No te tau 1854 i timata ai he kura tane ki reua, he ahu whenua tetahi mahi hei oranga mo te kura. Na te kore whenua watea i Whakato i kawea ketia ai te kura ki Waerenga-
a-hika, ehara i te meako nga tamariki wahine anake, engari he tainariki tane etahi, he tane pakeke hdki etahi i whakaakona H reira. No te tau 1865 ka mutu whakarere nga inahi o Waerenga-a-hika ite Hauhau. Koia i heke ai a Te "Wiremu Pihopa me on a hoa he whenua ke. Tahuna ake nga whare c te Hauhau, kotahi rawa i toe ; he maha hoki nga tau i nui ai te raru o Turanga. Kua kore nei he kainga mo te Pihopa i reira, ka noho ia ki Nepia. No te tau 1868 ka whakaurua a Heretaunga ki roto ki te Pihopatanga o Waiapu, ka putnau hoki te noho o te Pihopa ki Nepia. He nui tona hiahia kia tv wawe ano he kura, he aroha hoki no etahi hoa ona i Ingarani i maranga ai he whare ki Hukarere, kua timata hoki he kura Lte tau 1875, kihai ano ia i tokoniaha nga tamariki. No te tau 1877 ka whakanuia te whare, he tokomaha no nga matua c hiahia ana ki te tuku tamariki mai. No muri mai ka whakanuia ano te whare c te Wireinu Hamiora i tae ai ki te ono tekau te tokomaha o nga tamariki. Heoi ano te kura penei a te Hahi o Ingarani mo te tamariki wahine, ko Hukarere anake, a tae noa ki te whakatuwheratanga o te Kura Wikitoria i Akarana, ite tau 1903. Nga tamariki i tae mai ki Hukarere i era tau, no nga wahi katoa o Niu Tirani nei, no Eangiura, no Eekohu rawa hoki, ara no Wharekauri. Nga mea c akona ana c nga tamariki i tenei kura, ko nga mea ano c akona ana i te tini o te kura, he mea apiti mai hoki ko nga mahi whakapai i te whare, ko te tuitui kakahu, ko te whaihanga kaone, ko te whikapai i te kakahu kua oti te horoi, ko te maha o nga tv ote tao kai. He tokomaha hoki kua whakaakona c te takuta, a whai tiwhikete rawa mo te mohio ki nga mahi c tika ana i te tupono mai ote aitua ki te tinana ote tangata. Te hiahia o nga Trustees ko te whare hou kia tv ano ki Nepia nei, ki tetahi wahi rahi ake i te tunga tawhito, kia kauaka hoki c hangaa ki te rakau, engari ki te mea ora roa, ki te mea hoki kahore c hohoro te kainga c te ahi. Ko te utu o tena tv whare, tera pea c tae ki te £6000, nuku atu ranei ki te £7000. Kotahi te he, ko te kore moni c takoto ana c ata oti ai ; ma te kohikohi mai ano ia o waho c taea ai. Tenei ano pea he tokomaha c ngakau nui ana ki te maka mai ite kohikohi, kei riro ma te kore moni c hoki iho ai te pai o tenei taonga nui o te iwi Maori, engari kia nuku ake te pai o te mea hou i to te ahua o mua ake nei. Xi te hiahia tetahi ki te tuku
moni mai, me tuku mai ki te Pihopa 6 Waiapu. / ; I te mea c whakaputaia ana te whakaaro mo te hanga i te whare hou, tera ano c rapua he whare c tv ai ano he kura i te timatanga o te tau hou ; otira c kore pea c uru katoa mai nga tamariki kua marara nei kia oti ra ano te whare hou.
Permanent link to this item
https://paperspast.natlib.govt.nz/periodicals/WCHG19101201.2.17
Bibliographic details
Waiapu Church Gazette, Volume I, Issue 6, 1 December 1910, Page 10
Word Count
695TE KURA I HUKARERE. Waiapu Church Gazette, Volume I, Issue 6, 1 December 1910, Page 10
Using This Item
The Diocese of Waiapu is the copyright owner for the Waiapu Church Gazette. You will need to get their consent to reproduce in-copyright material from this newspaper. For advice on reproduction of out-of-copyright material from this newspaper, please refer to the Copyright guide.