Kupu Whakataki

Muka, Volume 20, Issue 2, 1 December 2007, Page 2

Kupu Whakataki

nā Hūhana Rokx, Kaiwhakahaere Matua

Tena tatou katoa. Tenei te mihi nunui ki a koutou e noho mai na ki tera pito o te whenua, ki tera pito o te whenua. Heke iho ki runga, ki raro ranei, nga kaipupuri i te reo, e hiki, e whakatairanga koia! I to tatou reo ki roto i nga kainga, nga kura, tae noa ki nga hapori huhua o te motu e - koia!

Koia tenei ka hold nga whakamoemiti ki te ao o maumahara. Kia maumahara kite hunga e kore e kitea, te hunga kahore ra e hoki mai, te hunga kua ngaro e, e moe e! I e ha! Ka maumahara, ka tangi hotuhotu kite kuia, kite whaea a Ngahinaturae Tuteao (Ngahina) Te Uira. Ko koe tera i whiwhi i nga tohu a te Pakeha, hei aha? Hei hoatu, hei tohatoha haere kite iwi Maori o te motu katoa. Au mahi i roto i nga tari kawana. Au mahi kaiwhiri mo Te Taura Whiri i te Reo Maori. Au mahi mo to iwi, mo te Kingitanga. To tino rata ki to hoa pumau, ki a Te Atairangikahu. Hoki atu ra, hoki atu ra, e moe. Ratou ki a ratou, tatou ki a tatou.

Ka tuku i nga mihi kite Minita Maori mo to arahi, to awhina i a matou i te tau nei. Otira, ki to matou Toihau me nga kaiwhiri o Te Taura Whiri i te Reo Maori. Ko koutou nga amorangi mo te reo taketake nei, a, ko matou e hapai nei i te kaupapa. Huri noa, huri noa ki nga matua, nga kuia, nga koroua, nga kaiawhina, ko koutou tera e tutu ana i te puehu, e heriheri nei i a tatou nei tamariki mokopuna ki nga kohanga, ki nga kura, ki nga whare wananga hold. Me ata wananga te pepeha pea, ko koutou ke te amorangi, te kanohi kitea i nga tamariki mokopuna.

A, ko matou te hapai ki muri rawa e whai wahi, e whai kiko mo to tatou nei reo Maori.

Ko tetahi kaupapa harihari i haere au kite tautoko, ko te powhiri mo Titoki Black, te Kaiwhakahaere Matua mo Te Kohanga Reo. Ana, kei konei tetahi puhi o te kohu, e hapai nei i te kaupapa reo Maori ki nga mokopuna. Kua timata maua kite whakaaro ngatahi, te whakatakoto mahere, he rautaki kia whai tokorua nga tari nei. No reira Titoki, tenei te mihi nui ki a koe.

Ko nga whakaritenga mo Te Taura Whiri i te Reo Maori, katahi ano ra ka mutu te whakaurunga i nga kaimahi hou e ai ki 6 matou nei mahere rautaki. Ko tetahi o a matou mahi kei te haere, ko te Papakupu Maori hou. Ko tenei tetahi Papakupu tuatahi i roto i te Reo Maori, ko nga whakamarama he reo Maori katoa. Inaianei, kei konei rate waka o te Te Taura Whiri, e hoe, e hiki ana kia heria tenei mea te reo Maori nei ki nga topito e wha o te motu.

Ma nga hihi o Tamanui-te-ra tatou katoa e whakamahana i nga ra whakata o Hine-raumati. Nga manaakitanga mo te tau hou.