Te Pō Pao Pao Pao

Muka, Volume 20, Issue 2, 1 December 2007, Page 11

Te Pō Pao Pao Pao

nā Sandi Barr, nō Ngāi Tahu me Ngāti Porou

Epai ana te tokomaha o te tangata i tae, i tautoko ake i te Pao Pao Pao tuarua i Te Whanganui a Tara nei. He nui atu i te 1000 te rahi o te kaitautoko i taua po i whakaturia kite Whare Tumatanui.

No nga tau o mua ke etahi o nga kaipao, no inanahi noa iho nei etahi. Ko tona painga, ka kitea nga hua ote piri ate tuakana kite teina kite waihanga waiata ma te katoa.

He po whakanui tenei i nga momo paonga a te ao Maori i whakaarohia ake e Hirini i te taima i a ia e whai ana i nga taonga whakatangi a kui ma, a koro ma. He taonga puoro, he patere hou, he jazz nga tu waiata ka rongohia i te roanga o te po. I rongo tuatahitia nga waiata a te kopae hou a Whirimako, a, ko nga tangi reka hoki a te Moananui a Kiwa i pakia ki nga pahu a te kapa Pacific Curls. Na Zero-T te wahanga kia whai reo ai te hunga taiohi i ta ratou waiata ‘Cruzin’, i piki ake kite rarangi waiata papai 40 o Aotearoa.

Ka whakanuitia a Ngati Huata mo ana mahinga tautoko i te ao pao Maori i nga tau 25 kua taha ake nei. Ko te taonga i whakawhiwhia ki a ia ko te tohu mo te ‘Wahine Maori o te Ao’.

Na Torotoro te kaupapa kanikani i te po ra, kei te kaha hoki te ope nei kite kapo atu i nga kanikaninga o iwi ke, kia uru ki a ratou whakaaritanga.

Hei mutunga mo te po nei, ka tu a Moana me ana tangata aru moa. Kua toro te kapa nei ki nga kainga Kanak, topa tonu atu ra kite taone nui o Ruhia. E hia ra nga whenua kua toroa e tenei whanau.

Kei te mihi a He Muka ki a Pao Pao Pao i ta ratou whakaae mai kia haere atu ra matou kite matakitaki i nga huanga o tenei po.