Te Hui Taumata mō te Reo Mā ori
Ite 12 o Mahuru i tu Te Hui Taumata mo te Reo Maori i te Whanganui a Tara. Na Te Taura Whiri i te Reo Maori i whakahaere te hui nei. Kiki ana te whare i nga tangata, kuia ma, koroua ma, tangata papaho, tangata hanga rauemi, nga kaiako hoki, i haramai kite whakarongo, kite kimi whakaaro, kite korerorero i nga take e pa ana kite reo Maori. E toru rate hui nei. Na tetahi o nga kaiwhiri a Te Taura Whiri i te Reo Maori, na Wayne Ngata, i powhiri te hunga manuhiri. Ko te ra tuatahi, he wa whakarongo ki nga kaikorero. Ko Te Heikoko Katerina Mataira, ko Chris Winitana , ko Cathy Dewes nga kaikorero, ko Huirangi Waikerepuru tetahi atu. Tae noa kite ahiahi, he wa mo te katoa kite korerorero, ki
te whai patai, kite tautohetohe, kite taupatupatu ranei. I te ra tuarua ka whakaroputia te katoa ki roto i etahi awheawhe. Na nga kaiwhiri i whakahaere nga ropu, a, na Hana O'Regan i whakahaere te kaupapa Reo i te Kainga. Na Wayne Ngata i whakahaere te kaupapa Reo i nga Kura. A, na Ruakere Hond i whakahaere te kaupapa Reo i nga Takiwa. I reira ka puta nga whakaaro a-hinengaro, a-waha hoki. Ko te ngako o tenei mahi, kia whai hua mai i nga tangata, hei aha, hei heri i te reo Maori kite taumata, kia whainiho te reo mo tatou me nga whakatipuranga reanga. I te ra tuatoru ka whakakotahi and te hunga , ka wananga haere i nga whakarapopototanga i puta mai i nga mahi o nanahi. Ka whakahoutia
anotia nga whakarapopototanga, a, ka puta mai nga tutohunga. Mena e hiahia ana koe kite matakitaki, me whai i te paetukutuku www.koreromaori. co.nz. Ko te tino painga o tenei Hui Taumata, kua puta mai nga hiahia, nga whakaaro a Maori ma, kia arahina tatou ki runga i etahi huarahi whaioranga mo te reo. Kia whakatikaina nga mahi a te Kawanatanga kia tautokona te reo Maori, kia awhinatia nga whanau, nga iwi i a ratou ake mahi mo te reo. Na reira, e nga poutokomanawa i te reo Maori i tae mai, nga tangata i haere tawhiti mai, i haere tata mai hoki, tena koutou. Me whakapumau tonu kite whakatinana mai i nga moemoea o 6 tatou matua tipuna hoki - Korero Maori i nga wa katoa.
Permanent link to this item
https://paperspast.natlib.govt.nz/periodicals/MUKA20070901.2.16
Bibliographic details
Muka, Volume 20, Issue 1, 1 September 2007, Page 14
Word Count
397Te Hui Taumata mō te Reo Māori Muka, Volume 20, Issue 1, 1 September 2007, Page 14
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.