Te Rā o te Reo Māori

Muka, Volume 20, Issue 1, 1 September 2007, Page 7

Te Rā o te Reo Māori

Ahakoa te kaha mete whanui ote whakanuia oTe Wiki ote Reo Maori mai i te tau 1975, e ai ki a Cathy Dewes, ko te Ra o te Reo Maori i tu i te ra 14 o Mahuru 1972, te ra e tino maumaharatia ana e ia. "Koira te wa i roto au i tetahi ropu i hikoi kite aroaro ote whare paremata ite taha o Hana (Jackson) Te Hemara, kite tapae ite petihana mo te reo Maori e mau ana i nga waitohu a nga tangata 30,000." te ki a Dewes. Ko te whainga ote petihana nei, ko te whai kia unite reo Maori hei whiringa ki roto i nga kura tuarua katoa o te motu whanui. Ko te whakamarama a Dewes, "Ko te whainga o te Ra o te Reo Maori, ko te whakamohio i nga tangata katoa mo te pai o te reo Maori me tona nui kia whai toiora nga iwi Maori tae atu ki nga tangata katoa o Aotearoa. "He nui nga mea i whakamahia e matou kia puta ai te maha o nga rongo korero i te hunga papaho. I hikoi tahi matou, i whakaako matou i nga toi kapa haka ki nga kura kia tu ai ratou kite whakangahau, a, i tuhia e matou he rerenga kupu katahi ka utua e matou nga reo irirangi kite whakaputa, kite papaho i etahi kupu Maori me etahi kianga, kiwaha hoki" Ko Cathy Dewes tetahi i roto i nga ropu tauira maha o te motu, i tau toko, i taunaki hoki i te reo Maori kia whakaakona ki nga topito katoa o Aotearoa. I ki ia, "I tono matou kia puta he korero

mo te rima meneti i runga i te pouaka whakaata, a, na tenei ka puta ko Te Karere, ka puta ko tetahi hotaka reo Maori ahua rite ki a Country Calender a, na tenei ka puta ko Koha mete kahui hanga pikitia Maori - ko Lee Tamahori te tauira tuatahi.