Ko Tōku Matua Kēkē
Nā Barry Soutar, nō Ngāti Porou
Nā Rangi McGarvey i whakamā ori.
I a matou e pakeke ana, ka korero mai to matou whaea mo tana tungane hokoi a Rutene Tuarua Hamiora Wenerei Taraiwa Paniora. Ko tona ingoa karangaranga ko Sam. E 21 te pakeke o Sam Paniora ka hinga, i a ia e taki ana i te kokiritanga o Casa Della Cura, ma S.Orsols, Faenza. Na tona matenga i nga tau e maha ki mua, kua oho, kua maranga, kua kakama nga whakatipuranga o naianei. I tipu ake a ia me tona whanau i tetahi wahi tawhiti i te tuawhenua o Aotearoa. Na reira te miharotanga nui rawa atu nana, kua whakahuihui tetahi kahui tangata mai i nga pito o te ao, mai i tena whenua me ana tikanga, tena whenua me ana tikanga. Fie per a hoki mo taku tutakitanga ki a Faura Benerecetti te rangatira o te Casa Della Cura i enei ra. E wha aku haerenga ki Faenza; riro atu ana toku ngakau. No te tau 1987 i haere tuatahi mai ai ahau kia kite i te takotoranga mutunga o toku matua keke i Forli a, i haere and au kia kite i te Casa Della Cura. He ohonga wairua taku haerenga. Kotahi anake te hiahia o to matou whaea mo matou, ana tamariki, kia tae a ia kite urupa i tanumia ai tana tungane. Heoi, kaore i tutuki tera hiahia ona, ka mate to matou whaea. Na reira ahau ka whakaaro kia tutuki i ahau te hiahia o toku whaea. Ia tau ka whakanuia i te ra o ANZAC nga hoia i haere kite Pakanga I mete Pakanga II o te Ao. Whakaaturia ai e nga whanau nga tohu o te pakanga i whakawhiwhia ki a ratou toa a, i te atatu ka mati tahi nga pakeke me nga tamariki hei whakamaharatanga ki a ratou. Me miharo ka tika kite nui o nga tohu o te toa i uhia ki runga i nga hoia Maori, te nuinga ki nga pakanga i Kiriti me Awherika kite raki. I ahau e taitama ana ka whakaaturia te Ripeka Wikitoria i whakawhiwhia ki tetahi o 6 matou whanaunga; koianei te tohu teitei rawa atu o Piritana mo te toa. Na reira, mai ano ka ako matou ki nga korero me nga hitori. Waihoki, kei toku whanau ake etahi ingoa whakamaharatanga e mau ana: Faenza Reuben (60 tau), Forli Moeke (59 tau), Soldier Sam Paniora (60 tau). Tera te reanga o enei ra kei te kawe ake i aua ingoa: Faenza Warbrick (18 tau), Whitireia Wilbur Soutar (8 marama). E kore enei ingoa e ngaro i
a matou, he whakamaumaharatanga ki nga tama toa tera i tukua kite po, e ora ai matou. He wa ano ka korero 6 matou papa mo te wa i a ratou i Itaria. Ka korero ratou mo te wairua mahaki o to matou papa a Sam Paniora, tona reo waiata reka rawa atu, tona toa kite mekemeke, te kohure o ana whakahaere, tona maia. Hei ta ratou ki ahau i nga wa katoa, ahakoa ona pumanawa nui rawa, me ki, he tama noa iho a ia, he to tar a mahuri tonu. Koinei te take e kore matou e wareware ki a ratou, kei hauwarea to ratou matenga. Ka huihui ana nga whanau Maori ki nga hui pera i nga marena, nga ra huritau 21, nga tangihanga, ka tu nga whaikorero a, mutu ana tena me tena whaikorero, he waiata hei tautoko. Hei etahi wa i nga huihui hari te ngakau, ka waiatatia nga waiata no Itaria mai, i, te wa o te pakanga nui o te ao. Ko etahi
nga waiata kaha te waiatatia ko “Buona Notte mia Amore”, ko “Mamma Tuna”, ko “Mamma”, ko “Torne Rai”, ko “Santa Fucia”. Kia mohio mai koutou, kei te waiatatia tonutia aua waiata i enei ra tonu. Tera te wa o te whakataetae mo te Ipu o Amerika, ka haere tetahi ropu mai i Prada ki Rotorua, ka waiatatia e tetahi tira rangatahi Maori e 30 etahi waiata Itaria. Whaia, ka tumeke te tira waiata Maori i te kuare o nga mea o Prada ki nga waiata ra. Na te koroua rawa pea o aua waiata, kaore i mau i nga reanga Itaria o muri ake. Ka nui te mamae i pa ki nga whanau i te hunga ka hinga i nga pakanga ki tawahi. Na te matenga o toku matua keke, kua kite ahau i tetahi wahanga ano o toku whanau ki Faenza. Katahi ka nui rawa atu nga hua moku ake. Ko te tumanako, ka mau nga akomanga o Tihema 1944 hei whakakaha i a tatou mo ake tonu atu.
Permanent link to this item
https://paperspast.natlib.govt.nz/periodicals/MUKA20060701.2.9
Bibliographic details
Muka, Volume 18, Issue 4, 1 July 2006, Page 4
Word Count
780Ko Tōku Matua Kēkē Muka, Volume 18, Issue 4, 1 July 2006, Page 4
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.