ARA WEAR - He kākahu mō te Rangatahi Mā ori
Nā Trist Rēweti
Ko te pae tawhiti, whaia kia tata. Ko te pac tata, whakamaua kia tina! Hei ta te taiohi, kaore he ahuatanga i tua atu, i tua mai i te hanga o nga kakahu e mau nei i a ia. Na taua kaupapa i ara ake ai te kaupapa nei, a ARA WEAR. Ka kawea ake te manuka nei e etahi taiohi tokotoru no Te Wharekura o Te Rito o Raukawa. Heoi, ko ta ratou e whai nei, ko te whakarite i nga kakahu e mau nei i te rangatahi i a ratou e hikoikoi haere ana i nga huarahi o nga taone o Aotearoa. Ko te tokotoru nei, ko Arumaki Pasene-Grennell (Ngati Maniapoto, Rarotonga, Tahiti, Niue), ratou ko Rongomai Te Hei (Ngati Raukawa, Ngati Porou, Waikato, Nga Puhi), ko Anihaera Wharerau (Ngati Raukawa, Nga Puhi, Ngati Whatua). E mau nei i a ratou nga taonga o te whare whakairo mete whare pora. Koia nei etehi o nga huareka i kainga
i a ratou e tupu ana i roto i te kura kaupapa me nga kaupapa ako o Te Wananga o Raukawa i Otaki. Ka tuituia ko nga tohu whakairo no te ao o nehe ki nga tohu e kaha kitea ana i enei wa tonu me nga kupu korero e korerotia ana e te ngutu rangatahi hei whakaratarata mai i te hunga taiohi. Na Te Arahanga o Nga Iwi Maori (Maori Business Enterprise) ratou i arahi i roto i te mahi nei kia pua mai. Ko Daphne Luke te kaiarahi matua, nana nga manu e toru nei i whakakakahu ki nga huruhuru e tika ai te rere. Ko Mari Ropata-Te Hei, tumuaki o te Kura Kaupapa Maori o Te Rito to ratou kaihapai i te ao, i te po. Ka awhinatia hoki ratou e te mama o Arumaki, e Tutina Pasene hei whakarite mai i nga tihate. Ki te taha o nga nekehanga o te pakihi nei, ka riro ma Arumaki nga mahi waihanga tohu e whakarite a, ma Rongomai te taha rangahau
- _ - ■ 11 ' " I■' '■■ ■ 1 ■ mete taha putea e whakahaere ka mutu, ma Anihaera te taha tuhituhi e whakatutuki. Na wai ra, ka hua mai ko nga momo taonga e toru hei hoko atu, a, i whakamanu ake te waka nei, a ARA WEAR i te huinga Pakihi Maori o Aotearoa i tu ai ki Otaki i te 3 o Mahuru, 2004. Ko ta ARA WEAR e manako ana, kia puawai ai te kaupapa nei, kia waihanga i nga momo kakahu katoa hei mau ma te rangatahi Maori. Otira, hei whaitanga atu ma nga teina o te wharekura e piki ake ana.
Kati, hei tautoko i te kaupapa o ARA WEAR, whakapa atu ki a: Mari Ropata-Te Hei mari@terito.school.nz (06)364-5207 (mahi) (06) 364-364-5624 (kainga) hei hoko mai i tetehi o nga taonga nei mo a koutou tamariki, mokopuna hoki.
Permanent link to this item
https://paperspast.natlib.govt.nz/periodicals/MUKA20041201.2.9
Bibliographic details
Muka, Volume 17, Issue 4, 1 December 2004, Page 4
Word Count
482ARA WEAR – He kākahu mō te Rangatahi Māori Muka, Volume 17, Issue 4, 1 December 2004, Page 4
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.