Te Whare Hākina o te Whānau

Muka, Volume 17, Issue 4, 1 December 2004, Page 3

Te Whare Hākina o te Whānau

Nā Trist Rēweti

Kaua e mate wheke, kia mate ururoa!

He tau nui te tau 2004 mo te Whanau Selby-Rickit. He korero tenei mo tetehi whanau kei Otaki e noho ana kua eke nei ki nga taumata ikeike i roto i etehi o nga momo hakinakina. No te tau nei

i haere ai a Miriama, te matamua o te whanau (16 tau tana pakeke) 1•Al•• • 1 • • 1 ki Ahitereiria, ki reira pakanga ai i roto o te tima poitarawhiti Maori o Aotearoa. Kei muri iho i a Miriama ko Te Huinga Reo (15 tau tana pakeke). Kua kowhiringia a ia mo nga tima whakapakari o Aotearoa mo nga hakinakina e rua, ara, ko te poitarawhiti mete poitukohu. No te tau nei i haere hoki a ia ki Ahitereiria whakataetae ai me tona tuakana tonu, otira, kite tima o Ahitereiria me etehi atu tima no Te Moana nui-a-Kiwa. Kua whai turanga hoki a Te Huinga Reo ki roto i te tima poitarawhiti o Aotearoa, i raro iho i te 21 tau te pakeke mete tima poitarawhiti whakawhanake o nga FLYER no Manawatu. Tapiri atu ki enei tima,

kua whai turanga hoki ia i roto i te tima poitarawhiti o Aotearoa mo nga kura tuarua. Ka hoki ano kite poitukohu, ahakoa kaore a Te Huinga Reo i uru atu, i kowhiringia a ia mo nga tima poitukohu e rua nei, te tima poitukohu o Aotearoa, i raro iho i te 16 tau te pakeke mete tima i raro iho i te 18 tau te pakeke. Kei muri iho i a Te Huinga Reo, ko Te Paea (12 tau tana pakeke). No te marama tonu nei a ia i tohua ai kia haere ki Ahitereiria

a te tau e tu mai nei, takaro ai mo te tima poitukohu o Aotearoa i raro iho i te 14 tau te pakeke. Hei ta te mama, a Mereana Selby (Ngati Raukawa, Ngati Porou) he taonga tuku iho enei pukenga na te papa, na Hayden (Hud) Rickit (Ngati Tuwharetoa, Tuhourangi). E tika ana te korero nei, ko Hud Rickit tera i

piki ai ki nga taumata tiketike o te ao whutuporo. I nga tau ki muri i tu a ia hei kaitakaro mo nga Pango Katoa me te tima whutuporo Maori o Aotearoa. Tokorua hoki nga taitamatane o te whanau nei, ko Ngarongo (e tekau tau te pakeke) raua ko Manaaki (e

waru tau te pakeke). E kuraina tahitia ana ratou katoa i Te Kura Kaupapa Maori o Te Rito o Raukawa. He kura pakupaku noa tenei, heoi, ka noho whakahihi katoa 6 ratou hoa, 6 ratou pouako, otira, nga whanau whanui o te kura i nga ekenga hakinakina a te whanau Selby-Rickit.

I tenei wa tonu e whai ana a Miriama raua ko Te Huinga Reo i nga whakamatautau mutunga tau NCEA e eke ai raua ki nga taumata teitei o te matauranga. Koia ko tetehi o nga taumahatanga hei hiki ma raua i te tau nei, te whakatutuki i nga mahi o te kura mete hapai i nga mahi whakaharatau o nga hakinakina e rua nei.

E matua whai ana te whanau nei i te reo me ona tikanga katoa kia tu pakari ai nga tamariki i roto i to ratou ao Maori, i roto i te ao matauranga mete ao hakinakina. Koia i tapaina ai a Te Huinga Reo ki tona ingoa hei tiaki, hei pupuru i te mauri o te reo mo tona whanau whanui, otira mo

nga uri whakeheke mai nei. E kore e ngaro, he kakano ahau, i ruia mai i a Rangiatea.