'Kei aku kamo'
Nā Anzac Pikia
Kua puta ake te huinga kopae hou 'Kei aku kamo'hei kawe i nga korero me nga ahuatanga o Waikato otira, Tainui, hei kahurangi kamehameha mo te ao katoa. Na tenei uri o Waikato whanui, a Mamae Takerei nga kopae i waihanga, a, ko te korero a Mamae, "A tona wa ka mate au, me pewhea e mohio ai aku mokopuna ki enei korero?" I tupu ake a Mamae i Ngaruawahia, i runga i te marae o Turangawaewae, i raro hoki i te Kingitanga. Na Mamae ano te huinga kopae i whakaingoa. I whai a ia i te ingoa o
tona ake whaea, a, ko tona ingoa i ahu mai i te waiata moteatea 'E ua, te ua.' Ko te tino aronga o nga kopae, ko te korero mete whakamarama i nga tino korero o Waikato, penei i Te Tumu o Tainui, te Kingitanga, Te Puea me ana mahi, te raupatu me etehi atu. Ara ano hoki nga korero kei runga i enei kopae kia mohio ai nga iwi he aha ke te tikanga o enei taonga i whakarerea mai ai e nga tupuna. Kaore a Mamae i whiwhi putea tautoko hei whakatinana i te kaupapa nei. Nana tonu i utu. Hei ta Mamae, he huarahi whainga whakaaro enei kopae mo te rangatahi hei piringa
ngakau kia mohio ai, kia marama ai hoki ratou ki nga tikanga tuku iho.
Hei tana ano, kua tutuki pai tenei, tetehi o ona wawata kia waiho ake ia i enei taonga hei kakahu
whakamahana mo nga uri whakaheke e haere ake nei.
Kei roto i nga reo e rua enei kopae, ara, te reo Maori mete reo Pakeha, a, kei runga hoki etehi waiata, etehi whakatauaki.
Kati ra, mo te roanga atu o nga whakamarama, whakapa atu ki tona turanga ipurangi: www.geocities.com/takerei
Permanent link to this item
https://paperspast.natlib.govt.nz/periodicals/MUKA20021201.2.11
Bibliographic details
Muka, Volume 14, Issue 2, 1 December 2002, Page 6
Word Count
303'Kei aku kamo' Muka, Volume 14, Issue 2, 1 December 2002, Page 6
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.