Te Ringa Rehe o te Ao Hahaupōro

Muka, Volume 14, Issue 3, 1 March 2002, Page 4

Te Ringa Rehe o te Ao Hahaupōro

Nā Julian Wilcox (Ngāti Tūwharetoa, Ngā Puhi, Te Arawa)

Rangatahi ma!

No te marama o Kohi-tatea 2002, ka umere mai te ao hahauporo o

Aotearoa i te haerenga mai o Taika ki konei. Mai ano tenei kaupapa e ata whakaritea ana, kia tupono tae mai ai te ringa rehe nei ki tenei moka o te ao. I te mutunga iho, na te ahua matotoru o nga huruhuru, ka rere arorangi mai te manu nei ki Aotearoa!

Na te Ropu Whakatekau o Te Whanganui-a-Tara me Te Wananga o Raukawa te whakatau, i runga tonu i te papa whakatau waka rererangi. Ahakoa i ara ake nga maharahara o etahi ki tenei tikanga hou, ko te mea ke, maku e ki atu, he whakatau te

whakatau. No te iwi te whakatau, no reira, ma hea mai ki tena?

Heoi, mo te taha kite tangata nei, me ana mahi ki runga papa hahauporo, ka nui taku kohaehae atu! Ahakoa

pehea, arorangi ana te rere o te poro mete rere pamamao ano hoki. Ano nei, he karetao noa iho nei te poro, a, ko Taika te kaikukume! Mapurapura pai aku whatu i te tirohanga atu!

Ko te mea hanga ohorere ki a au, he tangata whakaiti te ringa rehe nei. Ahakoa kei nga ngutu o te iti mete rahi tona ingoa e haere ana, kahore tetahi ahuatanga whakahihi i hua ake i a ia.

Me ki noa ake au i konei, he pou tenei e manakohia ana e te ao, hei tauira, hei ara whainga. Engari, ahakoa tera, e tau tonu ana nga waewae kite whenua. Na, whai ano

pea, ka muia ia e te miriona mete piriona, i a ia e paoke whenua ana i te ao.

Na reira, he aha atu he korero mo te ringa rehe hahauporo nei? Tera pea, me huri ake au kite whakatau korero kua roa te whakamahia e te ao Maori, mo te hunga toa. Ka waiho ake ko tenei hei taupokitanga korero -

“Te murau o te tint, te wenerau a te mano.”