Mātene Rūāwai
(15/10/1930 * 23/12/1994)
7 moea iho nei e au Ko Manuhiri , ko Te Wharekura Oho rawa ake nei kite ao Ko au anake te tfiohu nei e'
Kei te hoa, Matene, nei ka noho i te ra o te warn,
i te po roa o te Matiti, ka patai ki a au ano aue e Koro, Matene, kei hea ra koe ka ngaro whakaaitu nei?
He ui makihoi noa ra na te mea ka mohio te hinengaro ara koe e moe mai ra i te whare rangi, e tu mai ra kei te nohonga mene kei 6 matua, kei 6 tlpuna. Na hinengaro tera, engari a ngakau he rau maharatanga ona na reira ka ora tonu mai koe, ka aritarita tonu mai koe ki mua kite aroaro kia rongo tonu ai te taringa i to kata, te ihu i to kakara.
Tona tikanga kia papa te whatitiri, kia hikohiko te uira, kia porukuruku te rangi i to wehenga atu engari i rangi pai huarere, i tau ko pakiwaru, ko te paki o Atutahi, te whetu tarake ote rangi. Koira ke ia ou tohu, 6te ngakau mahaki, 6 te mu, o te klkl kore kia puku ra ano a rae katahi ano a naunau ka whakakitea, a, ma ona wai ra ano e maringi noa mai ai te kupu!
E te manawa whenua o te ki, e te putunga o te kupu, e te whakarawai i te korero, ka ngaro ra tou momo ki te po. Kahuirangi ana tenei ou i muri
nei kite whakatau me anga ki hea, me huri ki a wai.
Kua tino takitahi ra nga whetu koea kei te taukapokapo mai i te rangi. Taukuri ra e, to taua reo, Matene e.
Kati, komingomingo nei te aroha, a, e kore hoki te roimata e puritia engari ka tukua kia maringi me he wai, te tohu nui o te aroha. Kua kore ra koe hei whakaahuru noa mai mo te kiri, hei whakahirihiritanga atu i nga wa o te porotaitaka, o te hiahia whakawhitiwhiti whakaaro, o te hia hoa noa iho nei.
Takiri noa ana nga hau o Te Whanga-nui-a-Tara, to kainga khoho roa ai, pohepohe mai ana ona wai uaua nei ka rohia engari atarua ana te kitea atu na te wai kei te kamo.
Haere ra, Matene, i te ara ka takoto ki Taheke-roa ki reira koe powhiritia mai ai e to taua tini, e to taua mano, i te po, haere ra, haere atu ra e.
Permanent link to this item
https://paperspast.natlib.govt.nz/periodicals/MUKA19950101.2.2
Bibliographic details
Muka, Volume 8, Issue 1, 1 January 1995, Page 1
Word Count
412Mātene Rūāwai Muka, Volume 8, Issue 1, 1 January 1995, Page 1
Using This Item
Te Taura Whiri i te Reo Māori: Māori Language Commission is the copyright owner for He Muka. You can reproduce in-copyright material from He Muka for non-commercial use under a Creative Commons Attribution-NonCommercial 4.0 International (CC BY-NC 4.0) licence. Material in He Muka is not available for commercial use without the consent of Te Taura Whiri i te Reo Māori.