Untitled

Whetu o te Tau, Volume 1, Issue 1, 1 June 1858, Page 1

Haere atu ra e taku aroha i runga i nga hihi o te ra ki nga tangata katoa,—ahakoa tane, ahakoa wahine, ahakoa tamariki,— i aroha ki au, i atawhai ki au, i toku haerenga i roto o Waikato, o Rangiaohia, o Mokau. Haere e taku aroha ki nga tangata o Pukorokoro, ki nga tangata o Nakunaku, ki nga tangata o Takingawairua, ki nga tangata o Meremere, ki nga tangata c Rangiriri, ki nga tangata o Paetai, ki nga tangata o Kupakupa, ki nga tangata o Te Wbakapaku, ki nga tangata o Karakariki, ki nga tangata o Whatawhata, ki nga tangata o Tiongahemo, ki nga tangata o Kihikihi, ki nga tangata o Rangiaohia, ki nga tangata o Te Kopua, ki nga tangata o Hangatiki hui katoa. B tai ma, tena ra ko koutou i runga i te atawhai o te Atua nana nei tatou i tiaki, i tohutobu taeanoatia tenei takiwa o to tatou haerenga manenetanga, i runga i te mata o te whenua. Na, kia rongo mai koutou ki taku, kahore aku utu ki a koutou mo ta koutou atawhai nui ki au. _ Heoi ano te utu ki a koutou ko te kupu o te Karaiti, e ki nei, "A, ko ia, e whakainu ana i tetahi o enei hunga nonohi ki tc oko wai matao anake i rungai te ingoa o te akonga, he pono, e mea atu nei ahau ki a koutou, Ekore rawa e kahore i a ia tona utu."—Matiujs., 42. E tai ma, i toku haerenga i roto i a koutou, i kite au i te tika, i kite au i te he; i kite au i te pai, i kite au ite kino; i kite au ite matau, i kite au ite kuare. Heoi, e rapu ana au i te take i whakauru ai te he ki te tika, i whakauru ai te kino kite pai, i whakauru ai te kuaretanga kite matauranga. Ki au ano e tai ma, tuhitnhi "Kia tika koutou me to koutou matua i te rangi e tika ana.—Matiu, v., 48. E hoa ma, ekore au e hainu i nga be katoa i kitea e au, engari ko te he nui i pouri ai toku wairua, ko o koutou pakanga. I nga wa ote kuaretanga, i hoe te tangata, whaka-te-ihu etahi, i hoe whaka-te-kei etahi; ko tenei, he ao hou me ona ritenga ano. Tenei te kupu a Paora, "Kotahi ia taku, wareware ake i au nga mea o inuri, totoro atu ana au ki nga mea o mua."—Piripai, ill-, 13. Ko tenei e oku hoa aroha, me whakarere te he, me bopu nui i te tika; me whakarere te kino, me hopu nui i te pai; me whakarere te kuaretanga, me hopu nui te matauranga. Kia maia, hia wbaingoi, kia tara kite rapu i nga tikanga e nui ai koutou. Kati te titiro kite Pakeha hei tauira, engari kia mana ta te Atua i a koutou. Ko reira koutou o oku boa aroha whiwhi ai kite ngakau mirama, ki to ngakau koa, kite ngakau kaha. Kia toa kite inoi, a, taria ta te Atua i runga ite ngakau whakapono, ka oti hoki te tuhituhi "Ko ratou e* tutari ana ki-a Ihowa ka hira ke ake to ratou kaha; ka lore wbakarunga ratou ito parirau, mete ekara; ka cud, ratou, ekore e ruwba, ka haere ratou, ekore e njjoikore.''—lbaia, id., 31. Heoi ano enei kupu. Kia tau ki a koutou te atawhai o te Ariki. Na Hare Rewett. Akarana/Mei 1858.