WHANGAPARAOA.
He korero tenei i tuhia mai i Whangaparaoa ki a matou, ara:— I tetahi takiwa kua taha tata ake i whakataua e te Kooti kia utu nga Maori tokorua kia wha pauna ki tetahi Pakeha rangatira o reira, kia rua pauna ma tetahi, kia rua paxma ma tetahi, mo' nga hipi a taua Pakeha i mate i a raua kuri. Ko tetahi o aua Maori i utu tonu i taua ra ano ; ko tetahi, he kore moni, a whakaaetia ana e te Kooti kia kotahi wiki hei kimihang a mana i taua moni. Otira, kaore tonu i utua e ia. Ka pahemo -atu nga wiki e rua i muri iho o tena ka tae atu a "Wi Pere ki reira; karanga ana ia kia huihui nga Maori, he ako nana i a ratou kia mohio ai ratou ki nga tikanga e whairawa ai ratou i runga i a ratou mahi me ta ratou matauranga ake ano, kaua rawa ratou'e awhina e te iwi Pakeha " tinihanga, whakawai noa." Ka pahemo nga wiki e ono i muri iho o tena, ka ui te Pakeha ra ki taua Maori kite take i kore ai ia e utu i te rua pauna i whakataua e te Kooti kia utua e ia; te kianga mai, e kore tonu-ia e utu, >na Wi Pere i ako ki a ia kia kaua ia e utu, iki a "Wi Pere ki a ia kaore he mana o te ture i nga kainga mohoao pera me Whangaparaoa, engari kei nga wahi tata ki nga taone. Ite taenga atuo "Wi Pere ki, taua kainga i tutaki taua Pakeha i a ia, ki ana te Pakeha," I haere mai rapea koe ki konei whakararuraru ai, pera me to mahi i etahi wahi ?" Whakahokia ana e Wi Pere, *' Ae." Heoi, kua tu te Runanga a nga Maori o reira i muri i a "Wi Pere, oti ana i taua runanga kia mutu ta ratou mahi ki a ia, he whakaaro no ratou he mahi tana mahi kite oranga mona ake ano, ehara ite oranga mo ratou. He mahara na ratou e hiahia ana ia ki o ratou whenua. Ko te Maori i whakawakia nei kua ki i muri kia utu ia i aua pauna e rua, hei aha mana nga ako a Wi Pere. Na, me he mea e pono aua ie korero i runga ake nei, katahi te mahi whanoke ko te haerenga a te mema Kaunihera i te whenua korero haere ai ki nga tangata kia kaua e whakarongo kite Ture. Engari te mahi tika mana, ma te tangata tiketike, ma te tangata matau pea, me korero ia kia whakamana nga tangata i te ture. Mea ake pea te Hihana te whakatu. ai i taua tangata hei Kai-whakawa ; he tangata tika rawa ia mo taua mahi nui—he tangata piri pono ia ki ate Kuini, he tangata kaha hoki kite hapai i nga ture ate Kuini. E mohio ana matou me he mea i whakataua e te Kooti ko te Pakeha ra hei utu moni ki taua Maori, penei kua kii to matou hoa, a Wi Pere, he tika kia mana te ture —kua kii: he tika rawa kia whakamanaia te ture i nga wahi mohoao.
Permanent link to this item
https://paperspast.natlib.govt.nz/newspapers/WAKAM18790215.2.18
Bibliographic details
Waka Maori, Volume I, Issue 21, 15 February 1879, Page 306
Word Count
536WHANGAPARAOA. Waka Maori, Volume I, Issue 21, 15 February 1879, Page 306
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.