SANDY'S VEESIT TO THE EXHIBEETION!

Tuapeka Times, Volume XXXIX, Issue 5430, 17 April 1907, Page 4

SANDY'S VEESIT TO THE EXHIBEETION !

" Man, whit a job it wis ! Hech, sirs, it wis awfu' ! It wis bash — dash — bang — shove — pu', and ye didna ken whither ye wis on your heid or yer heels — aye, at the railway station, I mean. Everybody goin' tae Christchurch. I lost ma seat in tne train, though. Janet had fixed up a' things fine. Aye, she's a real gem o' a wummin is Janet. Aye, she's English, though, but some English fair beats a lot o' us anes for quid gumption. Oh, aye ! Weel, I wis fair set in the train, when who comes up along, the plait-farm-wi' a leather sort o' carpet.bag, wi' a soft cap, quite towrist-like, but Wullie Wulks. I fair jumped up an' out. ' Sit doon,' says Janet. No me. I aifter him, and stopped him. Says I : cMr Wulks, I'll thank you to pay me for thae twa hens I sell'tye.' c Get away,' says he. 'No me,' says I. ' Folks that hae money tae gang tae the Exhibeetion wi' leather carpet bags an' the like should pay first o' a' for the hens they boucht. Aye, an' them layin' egs a' the time, an' me stannin' oot ma money ! ' Imphm ! but he wiclna pay. So it sort o' pit me in a thrawn temper tae stairt oot in. Janet, she lauched ! Oh, bit wimmin's ' kittle cattle ' — 'deed aye. It was Janet that wis aye naggin' about Wullie no peyin' for thae hens — Eh? the Exhibeetion? Oh, aye, it's no bad ! no bad ! It has nae beginnin' an' nae endin'. It looks as if it wad be a great help tae the shows ootside. It just pits me in mind o' Paisley Fair. Janet wandered up an' doon inside, traiked here an' there. Syne she flops doon on a seat an' says : 4 Oh, for a cup o' tea.' Says I : ' Come tae the tea rooms, then,' Says she : 1 Oh, Sandy, I canna abide thae teas aifter " Honda Lanka." It's' ill daein' wi' less than the best when you're accustomed wi' the best.' Ye see Janet's tremenjous pernickitty; she wis awfu' weel brought up. Says she : ' Sandy, I dinna see nae Hondai Lanka exhibit' ' Hoots, no, wummin,' says I, ' an' ye dinna see ony exhibit frae the Bank o1o 1 England or sic like. Na, na, there's some things dinna need ony exhibeetion ; they're faur by it. A good sovereign will aye advertise the bank, and every cup o' " Cock o' tta North " is a big advertisement for " Hondai Lanka" tea.' Syne we cam' oot and veesited Mrs M'Glashin's. • Eh, wummin,' says she, ' I'll gie ye a treat. Here's a cup o' the best tea I ever tasted. James brocht it frae Dunedin. 'Oh,' says Janet, whenever she tasted it, * it's Hondai Lanka, isn't it ? ' * 'Deed is't,' says she. Then they talked for a hale hauf-hoor aboot it Janet says it's no only the deleecious taste, but it gangs neaily twice as far as ony ither. Aye, it's graun' value., Haud a wee ! I maun see Wullie aboot ma hens. He's ane o' thae folk that likes tae grow fat on the ' unearned increment.' ! Imphm ! "