He Aitua Kino Ki Te Moana.
I te 16 o Noema ka tae mai te rongo kua mate a Haana Hirini raua ko tona tamahine ko Kiripango Potangaroa; i mate raua kite moana i Rangiwhakaoma, i te takutai o te Tai-rawhiti. Ko Haana Hirini he kaumatua, kai ko atu pea ona tau i te 60, he wahine rangatira hokt ia no roto i nga tatai rangatira o nga hapu o roto o Wairarapa nei, he wahine marae, he wahine naumai hoki ki tenei hanga kite manuhiri haere. Ahakoa nohea te manuhiri e kitea ana e ia e haere ana, rite tonu ki a ia he naumai tonu kite kainga, otira e kore e maha ake nga whakamarama i te mea kai te tino mohiotia tona ahua e nga hapu katoa o roto 0 Wairarapa nei, mo runga i tenei ahua kua tuhia i runga ake nei; tae noa ki nga tikanga o te Whakapono, he tino kai awhina ia mo tera taha, ara, mo te taha Whakapono. 1 moe ia ia Hirini Piripi Tuapa, ka puta mai ko Eiripangc ratau ko ona tungane me ona taina, kaati ko nga tikanga katoa a to ratau .kuia i mau katoa ia Eiripangc ratau ko ona
tungane, te ahu marae rue te naumai hoki kite tangata n:e era atu likarga i vvaho atuo enei. Kua mate katoa etahi oto ratau na wbanau, tokorua tonu raua ko tona tungane i ora ake (ara ko Tutewhakaruingarangi Hirini) a, i te mea kua whai atu nei hoki ia i etahi o ratau ka toe iho ko tona tungane anake hei fcakiri i te ingoa kite ao-turoa. Otira mate rawa ake kua whai hua ia, hei raubitanga ma ona tungane me nga whanaunga e patata ana ki a ia, no reira i nui ai te mamae mete pouri mo rauako tonahakui,kamutunga kino nei raua i te ao-turoa. Ahakoa kai tawhiti nei ahau e tuhi atu ana i enei kupu mihi mo korua, engari ko te aroha me te pouri e kore e taea te aukati, i te mea e pupw tonu ake ana te aroha i roto i te binengaro mo korua ko to tamahine ka matenga kino nei. I whai hoki te whakaaro kia kaua e peneitia he matenga mo korua (ara kia mate bauarea) engari kia mate aururoa he matenga mo korua, kia rite ai ki tera kupu e kii ra "Ko nga ra o koutou tau e whitu tekau tau, a, ma te whai kaha ka waru tekau tau." Otira e taea hoki te pewhea a aitua, te tangata kai a ia te rangatiratanga nui o te ao turoa. Ko kcrua ko to tamahine no te Taite ka tae mai te rongo kua mate korua kite moana, ko to mokopuna no te Taite ano i te 16 o nga ra o Noema nei i mate ai a te Rangimoehau tamaiti a Tawhiro raua ko Marara Otira he nui te kaha oto mokopuna ki te pakanga ki tona mate, na runga tonu 1 te kaha ote mate, koia ka wehe atu i o maua aroaro, a, ka tuhera noa iho te riu ki nga hau e wba ote ao. No reira haere korua ko to potiki me to mokopuna, haere i te huarahi ote hunga kua rupeke atu kite po, waiho a muri ma <ma e whai atu. "Te Puke."
Permanent link to this item
https://paperspast.natlib.govt.nz/newspapers/PUKEH19051125.2.8
Bibliographic details
Puke ki Hikurangi, Issue 26, 25 November 1905, Page 5
Word Count
555He Aitua Kino Ki Te Moana. Puke ki Hikurangi, Issue 26, 25 November 1905, Page 5
Using This Item
For material published 120 or more years ago, to the best of the National Library of New Zealand's knowledge, under New Zealand law, no copyright exists in that material.
For material published fewer than 120 years ago, copyright may still exist. Please see our copyright guide for information on how you may use this title.
In both cases, the National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.