He Kupu Tuku Mai.

Korimako, Issue 48, 15 January 1886, Page 9

He Kupu Tuku Mai.

Ki a Te Irimana, Kaiwhakahaere o Te Korimako. E hoa, —Tena koe! Kua kite ahau i to mihi aroha mai ki ahau i roto i Te Korimako, Nama 47. A kua ata whakaarohia e au o kupu, a moliio tonu iko ahau, e whakamarama ana i te pouri o taku ngakau; kite tonu iho, ka tika hei rama o kupu ki toku ngakau. E taku hoa, tenei aliau kua marama, e hara te pouri ki nga mea o tenei ao i te huarahi kite Atua, erangi ko nga pouri me nga kooingo o tenei ao me tapae atu kite aroaro o to tatou Ariki o Ihu Karaiti, e noho mai ra i runga i te tuatoru o nga rangi, i te nuinga o te honore mete kororia o Tona Matua, te Kaihanga o te rangi, o te whenua, o te moana, mete pouri, me nga mea katoa e ngakue ana i runga. I whai kupu marama iho ano ta tatou tamaiti ki ahau, ki tona iwi katoa ano hoki. I penei ana kupu mutunga i mua i tona haerenga i te haawhepaahi o te 11 o nga haora o te waenganui poo te Wiki, te 6 o nga ra o Tihema, ka whakahau mai ia kia matou, me karakia tatou hei te 51 o nga Waiata a Rawiri. Na te tungaane o tona whaea matou i karakia, na Hohepa Kaatete, he kai-hapai ano tenei i nga mahi a Kereama, i te Whakapono mete mahi Tiitotara ara Puru Ripine. Ka mutu te karakia ka karanga mai ia ki ahau, ki tona whaea, homai he kihi ki a au, ka mutu, katahi ka karanga ki tona iwi kia hoatu he kihi ki a ia, ka mutu, ka kii mai, " e te iwi kia piri tonu ki a te Karaiti, ko ahau kei a Ia tonu inaianei, ko koutou kifi mau tonu kite whakapono. E haere ana ahau kite ringamatau o toku Kaiwhakaora. Ko koutou ka waiho iho nei e au i tenei ao kino, heoi ano he mahi ma koutou i muri nei, he awhi tonu kia Ihu Karaiti, hei konei, kupai!" Ka tuku ake te wairua ora i roto i a ia, ka moe ia i te

moenga roa. No te haawliepaahi te 12 o nga haora o te waenganui po e haere ake ana ko te 7 o nga ra o Tihema, 1885, ka moe a Kereama Rangatira Tawhai. Ara ka tango te ringaringa o tona wairua kite ki o te tatau wehenga o tenei ao ki tera ao, ara te tatau, ko tona ingoa nei ko te mate; i ra reira atu nei ano te haerenga atu o tatou tupuna, matua, kua riro atu i mua i a ia. Tona tomokanga atu ki taua keeti, ngaro atu ki te waahi e kore nei e mohiotia e tatou tona reo. Kei nga wa ra ano e tomo atu ai hold tatou ki taua keeti, ko reira tatou motaio ai kite tangi o te reo o tera waahi. He tini hold nga kupu i whakamaramatia ai tooku ngakau i au e ngaua kinotia nei e te pouri, ko tenei kupu a Rawiri, " i te ata e tupu ana e matomato ana i te ahiahi, kua kotia, kua maroke." Mea ake ano ka tae ahau kite kotinga mete maroketanga, me tera kupu " he waahi potopoto hold to tatou oranga i tenei ao." Me tenei kupu ano, " na Ihowa i homai na Ihowa i tango, me whakapai tonu te ingoa o Ihowa." I te Taite, te 10 o nga ra, ka nehua ia kite urupa ona matua, ona tupuna. E wha rau (400) tangata Maori, Pakeha i tae ki tona nehunga, e rua tekau nga pu i puhia ki te taha o te poka. Ko nga Pakeha i tae, ko Te Wana Tama, Kaiwhakawa; Rapata Kakarana, Tumuaki o te Kaunihera o Hokianga; Hone Paraea; ko Te Pirihi, Kaiwhakahaere Kamupene o Niu Tireni; ko Hone Morena, ko Hori Wepiha Makarauri, ko Hare Hira, ko Hapeta Hohepa, ko Matini, me Te Hamana, minita. Na Rameka Waikerepuru, minita Maori o Whirinaki i nehu. No te 4 o nga haora o te ahialii i nehua ai. Mutu mai te nehu, ka karakia i te ahiahi, ka mutu, ka tu ake tetahi ona whanaunga, ka whakaputa i nga mahi a Kereama, i enei kupu a to tatou teina, tuakana, a ta koutou tamaiti, mokopuna, i mahue iho ki a tatou.

(C . te whakapono kia te Karaiti, mete Puru Ripine," e mea ana ahau kia puritia tonutia enei mahi hei taonga tuturu ma tatou, na Mohi Parore. Wliakaaetia ana e te wha rau tangata, whakaturia ana nga tangata hei kai-karakia mo etahi ra e ngaro ai nga minita, ko Hohepa Katete, Hohepa Rekene Kiwa, Mita Taunu Rekene, me Hone Mohi Tawhai. Ka kii ia ko te iwi katoa hei tautoko i te Puru Ripine. Heoi ko te pouri mete mamae i roto i ahau, mutu ake, hoki ana taku aroha kite iwi, ka tahuri nei ka awhina i te whakapono mete Puru Ripine. Kei te taenga mai nei o a koutou kupu mihi, ka waiho hei rama mo toku ngakau. Otira ko te pouri kei te liaere pai, mo te kotahi tau pea ka ahua kaha taku tinana i tenei pouri nui. Hei kona ra e hoa ma tangi mai ai ki to koutou hoa Karaitiana, kua wliiti atu nei ia i te mate ki te ora. Na to hoa aroha e noho atu nei i roto i toku whare-pouri ki taku tamaiti reimanawa arohanui, kia Kereama Rangatira TaW^ Na Hone Mohi Tawhai. Waima, Tihema 28, 1885. Ki a Te Korimaico. E manu, —Tena koe! Kia ora tonu koe, ma te Atua koe e whakakaha, tenei etahi hua karamuramu ka tukua atu hei pikaunga mau, mo te hui a te Hahi Maori ituki te Kaha, I hui katoa nga rangatira o Ngatiporou ki taua hui, me nga minita, me nga mangai-reimana. He nui te hari mete koa ki tenei tikanga pai, ki tenei mahi pai whakahirahira. He nui atu te whakamiharo o te ngakau ki tenei tikanga a te Atua i homai nei ki ana pononga. Kia ruia haeretia te kupu a te Atua ki nga ngakau o te hunga e noho ana i runga ite kino, mete he, mete kuaretanga. No te 10 o nga haora i timata ai, na te tiamana i wliakahua te inoi, ka

mutu, katahi ia ka whaikorero kite hui ote Hahi. Kia kaha kite tautoko i tenei mahi, kia u te ngakati kite whakapono. He roa atu ana korero, otira me whakapoto atu i konei.—Na to k° a ' Na Tiopira Koeehe. "Waerenga-a-hika, Turanganui, Tihema 22, 1885.