Te Korimako. "Kei te Atua to tatou piringa." PEPUERE 16, 1885.
Ko te tikanga i whakamaiangitia ai te taone o Akarana i naianei, ko te mahi o Te Putu kite whakanui i tera Ture pai, i te Puru Bipene o te "Whakapono. Makari ake nei te pito o te
i kuhua mai ki Akarana i mumua ake nei. I mirohia e nga pn-tohunga o taua malii, a, i tenei ra, kua rua, kua toru kume te roa. Na te mohio o Te Putu Tumuaki o tera hanga tetahi wahi; engari ko te tino take o te liurihanga mai o nga mano, ki tenei huarahi mataatika, na te Wairua Tapu i taki i tohutohu, i whakamarama te ngakau. Auaka te tangata e ki, e take kore ana te kino raua ko te pai. He take nui ta tetahi, ta tetahi. Te take o te pai, ko te Atua. Te take o te kino, ko Hatana. Na! ekore te tangata e whiwhi noa kite kino, me whai marire, ko reira •whiwhi ai te tangata kite kino, a te tukunga iho, he mate. Koia hoki ko te pai, me whai marire katahi ra ano tera taonga ka taea e te ngakau; a, ko te tukunga iho o tera hanga he ora, —he ora mo te tinana, he ora mo te wairua. Me he mea he aurara noa mai a kino kite tangata, ka kiia, no hea e taea te pana atu; tena ko tenei, he rere-wharoro ta te tangatata kite kino, kauaka e kiia na te kino te he, na Hatana te he; kahore, na te tangata tonu te he, na te tangata tonu, tonu, tonu. Here mai ai koia nga wai-whakahaurangi ki roto kite korokoro o te tangata? Hua atu he mea totoro e te ringa; a, ko te ringa hei hapai kite waha, a ko te waha hei whakapohaha i a ia ano, ka rere ai 11a te korokoro kite poho. E ai te pepeha, "He ngakau tangata e whakaaro ana," engari pea, he mea kopare nga kanohi i kore ai e kite i te he-whaka-hara 0 enei tu mahi, e whaka-
lieke nei i te tupu o te tangata. Koia nei nga huanui o te whanoke, o te wairangi, o te whaka-aro-kore, o te paraheahea, he tango noa atu, he kai noa atu, he inn noa atu te hokinga mai, horerawa he taimamataLnga o te ngakau, i te mea e noho ana i a matangurunguru raua ko taimaha - rukiruki. Tena ra to hanga i ta te tangata whakahe i a ia ano. Heoi, kua taimama pea tenei i te mahi Puru Ripene a Te Putu, inahoki ko nga tangata o Akarana i huri mai nei kite tango Puru Eipene i Akarana, e toru mano e rima rau tangata. Ko nga tangata whai whakaaro kei te whakapai i tenei hanga nui; a, kei te whakanui i a Te Putu mo te uekaha o tana tikanga whakapurero ake i te taone o Akarana.
Ko te mea nui e uhungatia ana i nga rangi nei e Ingarangi (England), me nga tini Koroni (Colonies) ko te horonga i a Te Mari (Mahdi), o Katouma (Khartoum), i Ihipa (Egypt). Ta te Kuini tangata-rangatira i nolio i roto i tera pa ko Tienara Korano (General Gordon) ki ai nga nupepa lie toa taua tangata, he tini nga hinganga o nga ope 0 Te Mari i taua Tienara. Heoi, no te horonga o Katouma, haere atu ana i te herehere taua rangatira. Tae rawa atu te ope hoia o te Kuini (Queen) i te 28 o Hanuere nei hei tuara mo Tienara Korano, kua horo noa mai te pa 1 te 26 o Hanuere; a, pito iti i ora ai a Ta Hare Wirihana (Sir
Charles "Wilson), te rangatira o te ope i haere atu hei tuara mo Korano. Anga tonu mai nga ngutu o te pa o tera i te pa, ki nga hoia o te Kuini e liaere atu ra kite whakaora i a Tienara Korano ma, liuri tonu mai tenei ki ana tima i te awa o te Naira (Nile). Nohoia mai ana nga pareparenga o te awa e te hoa riri i te whatinga mai, a, na nga rere o te awa i tere-papae ai nga tima, he tonu atu. Rokohanga iho, i reira tata atu ko tetahi motutere, ka rere ki reira te ope o te Ingarihi (English) tauwhanga mai ai i te tima. No te taenga atu o te tima kite moutere ra, ka eke katoa, ka waiho atu nga mata-rere-puku o te hoa riri kia ho-haere ana i te kikorangi. Tenei ake pea te mohiotia ai nga mea i hinga, me nga mea i kohurutia e Te Mari i te horonga ai o Katouma (Khartoum). [No muri i te pereliitanga o enei korero ka tae mai he waea i Ihipa, e whakaatu ana 110 te 26 o Hanuere ka whakatuwheratia nga keeti o te pa o Katouma e etahi ano o nga hoia Ihipiana a Tienara Korano, ka tomo mai nga mano a te Mari, ka timata tonu kite kohuru i nga hoa a Tienara Korano. No te putanga 0 te Tienara ki waho o tana whare, kohurutia tonutia ki reira. No konei ka huri katoa te ope a te Mari kite kohuru i nga tane, 1 nga wahine, me nga tamariki 0 te pa. Kahore i mohiotia e hia ranei i or a.]
Permanent link to this item
https://paperspast.natlib.govt.nz/newspapers/KORIM18850215.2.2
Bibliographic details
Korimako, Issue 37, 15 February 1885, Page 1
Word Count
894Te Korimako. "Kei te Atua to tatou piringa." PEPUERE 16, 1885. Korimako, Issue 37, 15 February 1885, Page 1
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.