He Tamaiti Mohio, he Tamaiti Maia no nga Arepa.
He korero pono tenei mo tetahi tamaiti iti no nga Arepa. I te taha rawhiti o Awherika i tetahi kainga e karangatia ana ko Hanipa (Zanzibar), he maha nga tamariki o taua iwi e mohio ana kite korero Ingarihi. Ko aua tamariki e mahi pononga ana ki nga Pakeha e noho ana i reira, na ka tonoa aua tamariki ki nga makete kite hokohoko i nga mea e hiahia ai o ratou rangatira. I reira tetahi tangata e noho ana he tangata ngakau tutua he tookeke. He penei tana mahi, ano ka haere mai tetahi o aua tamariki ki a ia mahi ai, ka ki penei atu ia kite tamaiti. " Na kite mahi koe ki ahau mo te marama kotahi, a ka kawea mai e koe nga mea katoa e hiahia ai au, ko reira ka utua koe e ahau ki nga moni kotahi pauna ina ka mutu te marama." Ano ka tata kite pau nga ra o te marama, ka tonoa e ia te tamaiti kite makete kite hoko i tetahi mea i mohio ai taua tangata kahore i taua makete, na hoki kore mai ana taua tamaiti, ka ki atu taua tutua, " he moho koa koe e kore e hoatu e ahau nga moni mau, notemea kahore i riro mai ia koe taku mea i hiahia ai." Na he maha nga tamariki i tinihangatia e taua tangata a ratou moni. Korerorero ana aua tamariki tetahi ki tetahi i te hianga o taua tangata. Te tukunga iho ka haere tetahi tamaiti kakama he maia rawa ia, ko tana tenei, " e kore ahau e tuku i te tangata ra fcia tinitangatia au." Ka haere taua tamaiti kite whare o te tangata ra, ka whakaae atu ia
kia mahia nga mahi a taua tangata mo te marama kotahi, ko te utu kia kotahi pauna mo te marama, pai tonu riro ana te mahi ma taua tamaiti. Tika katoa nga mahi a tana tamaiti tae noa ki nga ra e rua i mua i te paunga o nga ra o te marama, katalii taua tamaiti ka whakamahara atu ki tona rangatira kia utua ia notemea meake ka mntu te marama. Ka kii mai taua tangata e pai ana, otira e hiahia ana ahau ki tetahi mea, he nui rawa no toku manako ki taua mea ano ka mauria mai e koe, ka hoatu e ahau nga moni mau; haere ra e tama hokoa mai maku a ho, ho, me ha, ha. Kii mai ana taua tamaiti e pai ana, haere atu ana taua tamaiti, ka haere ia kite koraha e tutata ana kite taone, ka hopukia e ia tetahi koapiana me tetahi weri, ko aua ngarara tokorua he ngarara wero ngau kino he nui rawa te mamae, ka whaongia e ia aua ngarara ki ki tetahi pounamu he mea puru rawa kite pangu kawea atu ana ki tona rangatira, ka kii atu taua tamaiti tenei aua mea e hiahiatia nei e koe. Kii mai ana taua tangata, kei hea? tangohia ake ana te pounamu whakaaria ana, kii atu ana taua tamaiti, unuhia te pangu whawha tou matikara, whawha ana te matikara o taua tangata ki roto i te pounamu ngaua ana te matikara e te weri, tangi ana taua tangata ho, ho, wiri ana i tona mamae nui. Ka kii tonu atu taua tamaiti ae e tika ana whawha ano to matikara tera ano koe e kite ia ha, j ha. Riro mai ana nga moni a taua tamaiti, mutu ana te mahi tinihanga a taua tangata ki nga tamariki Arepa.
Permanent link to this item
https://paperspast.natlib.govt.nz/newspapers/KORIM18840915.2.22
Bibliographic details
Korimako, 15 September 1884, Page 7
Word Count
598He Tamaiti Mohio, he Tamaiti Maia no nga Arepa. Korimako, 15 September 1884, Page 7
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.