Te Ope Whakaora.
No te 24 o Akuhata ka tu te karakia o te Ope Whakaora i Arapeta-tiriti, Akarana, i ana Paraki, i te muriawatea. Kia mutu nga waiata me nga inoi, ka tu he minita Maori kite kauwhau, no Mangamuka, i Hokianga. I reira a Te Warihi Makitaunu, a Te Warn Kahiti, a Ihaia Mokomoko Te Warn, me te tamahine a Hone Mohi Tawhai, M.H.R. Ko Hare E-eweti, te kai-whakapakeha i nga kupu o te kauwhau. Na Pita te kupu i takea mai ai te tataku o taua Minita Maori. Nei taua kupu:—"Kite tonu hoki kite tarutaru nga kikokiko katoa; te kororia katoa ano hoki o te tangata, ano he puawai tarutaru. E maroke te tarutaru, e ngahoro tona puawai. Ko te kupu ia a te Atua, mau tonu.
ake, ake. A, ko te kupu ano tenei e kauwhantia atu nei ki a koutou." (Pita Tuatahi i. 24.) Tangohia mai ana tera kupu a Hoani:—"l te tiinatanga te Kupu, a i te Atua te Kupu, ko te Atua ano hoki taua Kupu." Tetahi kupu na te Karaiti i tangohia mai e taua minita, ko te rangi mete whenua e pahure, ko Taku kupu ekore e pahure! I ki tera, kahore he tikanga i whaia ai nga mea o te ao nei, kua mohiotia hoki, e rite ana ki te tarutaru kite puawai-rakau, ahakoa pai kite tirohanga ekore e wheau ka maroke, ka ngahoro. Na kite In mi te tangata ki nga taonga nunui o te rangi, ka mau tonu, ta te mea, ko te Atua, me tana Kupu e mau tonu ana. Kite whakawhirinaki tonu te ngakau o te tangata, ekore e aha. Kite rapa mai te uira, kite haruru mai te whatitiri, kite pupuke ake nga waipuke i te ua, kite aki noa te ngaru, kahore he tikanga, ko te tangata kei te toka, kei i a te Karaiti. Na kei te mohio ahau kua tata nga ra e hoki mai ai a te Karaiti kite whakaahua ke i a tatou, kite kawe atu i a tatou ki a la tonu noho ai. E hoa ma, kia piri tatou ki a la, mo te tae rawa mai, e noho matatu ana tatou e noho tatari ana tatou katoa, nga Pakeha me nga Maori. Tetahi kupu ki a tatou, kahore he tangata-ketanga i roto i a te Karaiti. Mo katoa te toto o te Karaiti i whakahekea ai, a, no taua toto i whakakotahi nga iwi katoa. Ahakoa Pakeha, ahakoa Maori, kotahi tonu i te toto o te Karaiti, ekore hoki e pahekeheke te kupu, e mau tonu ana. Ko tenei e hoa ma, me whakapiri atu tatou ki a te Karaiti, koutou nga Pakeha, matou nga Maori, a nga ra e takoto ake nei kia awhinatia mai e te Atua; a, ahakoa, maroke te tarutaru, ngahoro noa nga puawai. ko tatou ka mau tonu i te mea e mau ana te kupu, e mau ana te Atua. Nui atu te whakamoemiti o nga Pakelia i
te rongonga ai o te korero kauwhau aTiripi Rakena. Tena e piri, ruia atu nga purapura o te ora, kia tupu mai ai, kia hua ai. Tukua te kupenga o te Kongo Pai, ki nga moana, kia mau mai ai he ika mo te rangatiratanga o te rangi, hei whakahoki aroha ki to tatou Ariki ki a Ihu Karaiti.
Permanent link to this item
https://paperspast.natlib.govt.nz/newspapers/KORIM18840915.2.21
Bibliographic details
Korimako, 15 September 1884, Page 6
Word Count
556Te Ope Whakaora. Korimako, 15 September 1884, Page 6
Using This Item
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.