Oketopa 1849 Ki Ngamotu, ki a Te Makarini E hoa, Tena koe, korua ko Kawana e noho mai ana. E tama, kahore ano he korero ma korua i tae mai ki ahau i te tatanga o to koutou whakaaro mo te utu mo Rangitikei. Kei te rapu matou me te rangatira hoki o Turakina; kei te whakaaro ki te marama e tata ai te utu i pena atu ai. Ko au kei te mate, he nui whakaharahara taku mate, no konei ahau ka whakaaro kia hohoro nga utu o aku oneone, ahakoa, e tama, ki te mate rawa au, a urupa rawa hoki ahau, na ena whakaaro hoki aku, ka puta he momonga mo taku iwi mo Ngati Apa i te whakakinonga o nga kingi katoa o te ao Maori no naianei ko te Karaiti. Na, ka nui haere nga tangata korero o taku iwi, kore e tika i a maua ko toku tuakana ko Paora Turangapito, no te mea hoki rite pu maua. Kia rongo tonu koe i taku pukapuka hei tauira ki a koe. Na Kawana Hakeke Rangitikei, no te rua tekau ma rima o nga ra i tuhituhi atu. Kia tau o korua tonu, o kanohi me o korua whakaaro ko Kawana Kerei, ki runga ki taku tama ki a Kawana Hunia, tokorua hoki o aku uri, ka pakeke hoki raua. He nohinohi rawa ahau i te mate o aku matua. Ko Te Ahuru hoki i mate kongenge, ko te mua ake ko Te Rangihautu, ka puta ki waho ko ahau. Na, i au ano nga whakaaro o aku matua i te whakaaro mo te riri, i te whakaaro mo te pai, i te whakaaro mo te toro whenua? a i te whakaaro whakatupu mo te iwi; ko nga whakaaro hoki tena oku matua i mau i a ahau.