mihini watea tere tonu te taunaha ki te mihini ki te mahi mihini hei aha mana te aha o te utu, i te mea tonu e eke ana ia ki runga mihini. Mahue ana i etahi Maori te mahi he iwa hereni i te haora he mahi mihini te take mo te ono hereni me nga kapa i te haora. He kaha rawa tera makeretanga o te utu a hei aha ma te Maori. “I tetahi wahanga o te mahi he tokomaha nga Maori i reira a i to matou taenga atu he poaka he puha te kai. Ko nga korero tinihanga tenei i rongona. “He mahi pai te mahi mihini. Kei runga noa atu i te mahi hapara—he mahi ora a kotahi ano tona rangatira. He mataku te Pakeha ki nga mahi wetiweti.” Ara atu nga korero a aua Maori engari kotahi ano te rangi o te korero he mahi kaingakau ki a ratou te mahi mihini. Ko tetahi korero a aua Maori ehara noa iho te tuatahi ki te watea. I te kaha pirangi o te Maori mahi mihini i te mahi wetiweti mehemea te tangata e u ana ona whakaaro ki te mahi. Ka whakatanguru ko te Pakeha he penei nana na kaore a te Maori maharahara mo apopo tena ko te Pakeha he maharahara tonu tana mahi mo tona apopo na reira ka rangirua ona whakaaro. Kotahi ano te korero a nga Maori hei maharaharatanga ko tenei na “E whakangaua ana matou ki tenei tu mahi motemea kaore he tangata ke atu e pirangi ana ko ianei he mahi ma ratou.” Ahakoa pera noa atu te pai o te Maori ki te mahi mau tonu te awangawanga ki roto i ona whakaaro kei raro iho ia i te Pakeha. Ehara tenei i te whakaaro pai he aha ra tona rongoa heoi ano ma te wa pea. Kei roto pea i te korero a te taraiwa Maori ra “Ko te kaha, ko te mana te tino mea ko te kaha ko te mana kei roto i nga ringa o te tangata.” Tractor Driver Dave Taylor of Te Whaiti in “Daisy”, his pride and joy. (N.Z. Forest Service Photo)