KO TE MAHI RAKAU ME TE PEPA He torutoru rawa atu, mehemea ra he mahi pera kei Niu Tireni nei, nga mahi penei me te mahi rakau me te mahi pepa i kaha te putanga o ona hua hei whangai i nga ahuatanga huhua noa atu o te motu i roto o te wa poto. Inahoki i te tau 1953 ko nga hua o te hoko rakau kopepe me te pepa ki era atu whenua i eke ki £176,682 tae rawa ake ki te tau 1958 e rima tau ano i muri mai kua eke rawa aua hua ki te £5,352,898. Ka kitea i konei te nui o te moni me te toe o nga moni kei tawahi e putu ana. Ko te tokomaha o nga tangata kei enei mahi i neke atu i te 2000. Kua tu tana hia taone kei te rohe o aua mahi, ina a Tokoroa, a Kawerau me Murupara, a tana hia rau hia mano tangata kua whiwhi oranga mo ratou i nga hua o te rakau. Kua oti nga rori hou, nga rerenga reiriwei hou, nga unga tima hou, me era atu taonga nunui mo te motu—ko nga hua o enei mahi nunui o Niu Tireni na te kaupapa i ata whakaaro nuitia mo te katoa o Niu Tireni mo te whakatipu rakau. Mehemea kaore i peneitia kua kore enei hua. KO TE WHAKATIPU RAKAU MO AKE TONU ATU Inserted in the interests of forest protection by the New Zealand Forest Service. FS9.1