TE AO HOU

HE REANGA TANGATA HOU He tau ki tenei i te poroporoaki ki te Tari Maori. Tuatahi tonu ko Te Minita Maori ko Te Honore E. B. Corbett e waru tau nei ia i tu ai hei Minlta mo te Karauna a na te turoro o tona tinana ka rihaina i tona tunga. Tuarua ko te Tumuaki o Te Tari Maori ko Tipi Tainui Ropha I.S.O. ko ia nei te Maori tuatahi ki tenei tunga, kua tuku ki raro kua eke hoki nga tau e rite ana hei tukunga mona ki raro o nga mahi Kawanatanga. No era atu marama ka mate a McIntyre te tumuaki o te Tari Maori mo te Rohe Kooti Whenua Maori o Waiariki, tera tangata ngakau nui ki nga whakaaro o te iwi Maori. Hei tenei marama ka mutu a Te Puruka ki tona tunga tumuaki mo te Tari Maori o Wanganui. Ka mahue te Tari Maori i enei tangata. I te wa ko ratou nga kaihautu o te waka Maori he toko-maha noa atu nga mea he amuamu tonu te mahi a inaianei kua ngaro ratou, a kitea ana he tangata whai take tonu ia, he nui noa atu a ratou na painga i mahi ai mo te iwi Maori. I roto o tenei iwa tau ka hia nei nga whare hou kua oti, nga mano eka kua whakapaing a, nga marae kua oti te whakapai a nga tatau o te ao Pakeha kua whakapuaretia ki te rangatahi. Ina nga ropu toko i te ora o nga wahine Maori, nga mahi watene, nga ture whakatikatika i nga mahi whenua, nga mahi whakatikatika i nga riihi o nga whenua o te Tai-Hauauru, nga mano eka i whaka-hokihokia ki te iwi kaenga a te whakamaunga o te mana whakahaere whenua aha ake ki te ringa o te Maori, enei mea katoa no roto i tenei iwa tau Kua watea te Tari Maori ki te whakapai i te hua-rahi mo te whakawhiti mai a te Maori i te Ao pouri ki te Ao marama. Ka nui ra te pouri o te iwi Maori mo te nga-ronga o enei kaihautu, a haere he marae, haere he marae kotahi tonu te korero ko ta te whakatauaki ra—ka pu te ruha ka hao te rangatahi. Kei te whakaaroaro te tangata he aha rawa ra ta te rangatahi. Otira ahakoa tu ko wai hei Minita Maori hei Hekeretari ranei ka haere tonu nga mahi i runga i ta nga kaumatua ra i ta Ta Timi Kara raua ko Ta Apirana Ngata i whakatakoto ai. Ko te rua te kau ma tahi tenei o nga putanga o Te Ao Hou a me nui a tatou mihi ki a Te Kopata raua ko Te Ropiha mo to raua kaha ki te awhina haere i tenei taonga a tatou.

Fit the right tyres for the job Reidrubber Best by Test * All Reidrubber Truck Tyres incorporate the Nylon Shock Shield