Na G. N. LANSDOWN Ko te take i Kore Waewae ai te tuna I Tetahi rangi i te tuna raua ko te wheke e korerorero ana ka taha te weri ra. Ka mea atu te tuna ki te wheke, he kore waewae ngatahi raua, “Te Waewae i a taua e!” Ka mea atu ko te wheke “Me pewhea e whai waewae ai taua?” Ka whakina atu e te weri ka haere i tana haere. Ka whakaaroaro ko te tuna ka mea atu ki te wheke “Ka nui toku ngenge. Haere ko koe ki te tiki waewae mo taua—ko au e whanga atu.” Haere ana te wheke. I tona taenga atu kua pau katoa nga waewae ra, he aronga noa iho no te waewae i te toe—ka mate ia i te hinapouri. Ka rere atu ia ki nga mea he aronga noa ra no te waewae kei runga i a ia. I tona harakoa wareware noa ake ia ki te tuna. Tatari noa te tuna tatari noa kia hoki mai te wheke, kihai i hoki mai, na reira ka noho kore waewae noa ia tae noa mai ki tenei rangi.

Ko te take e patu tangata nei te mango I nga tara ra e noho ana ka kite ratou i te mango e taha ana. Ka mea ko tetahi “Titiro titiro, ki te mango e haere ra ko ia te kingi o te moana a kaore ia e mataku i te aha. Kaore ia i te pai ki a tatou e patu ika nei mana anake nga ika. Ka mea mai te mango ra “He tika tena.” Ka mea atu ano tetahi o nga tara ra “He aha koe i tuku ai i te tangata kia patu i au ika?” Ka riri te mango ra. Ka anga tiraha me te tete o ona niho ko tona haerenga tera kia kite mehemea he tika aua korero. Ka tuhi nga manu ra ki nga tangata e hi ana e hao ika ana i runga i to ratou waka. Ka mea atu aua tara ki taua mango “E hoa ehara koe i te kingi o te hunga noho i roto o te moana. Mehemea ko koe te kingi mau e tiaki au pononga. Ko te mango “E kore au e whakaae kia patua nga ika e te tangata.” Na neira ka kite te mango i te tangata e kaukau ana ka pohehe ia kei te patu ika ka riro mai ia ki te patu.