The mwwl, at their last annual conference, passed a remit asking the Minister of Health for more health education for the Maori people. The Health Department has offered this article to Te Ao Hou as the first of a series designed to give basic information on health matters to our readers. Te Ao Hou will be glad to answer any questions on health which readers may wish to ask.

KO TE MATE KOHI Ko Te Neehi Mo Tou Tohe: E 475 nga turoro hou o te Mate Kohi i te tau 1951, e 476 i 1949 a e 412 i 1947. E tata ana ki te toru mano o te iwi Maori kei te pangia e te Mate Kohi a kaore i te heke taua tokomaha. O tera tau 129 nga Maori i hemo he Kohi te mate, a tera ano e pera i tenei tau. Me pehea ra e taea ai e koutou ko te Neehi mo to koutou na rohe te arai te Mate Kohi e patu nei i te iwi Maori. TUATAHI: Ko o koutou kainga. Kia noho ma tonu o koutou kainga i nga wa katoa a me whakapuare nga wini i te po i te ao. He haraki no te ngarara o te Mate Kohi te hau ora me te ra a ka tere tonu te matemate. Mehemea no te hunga kei runga i te waimarie e noho ana ara he whare hou o koutou he hanga noaiho taku i ki ake ra me waiho nga wini kia puare ana—otira tera ano etahi noho pa tonu ai o ratou na wini. A mehemea ranei he whare tawhito o koutou tera ano nga whakarawe e noho ma ai o koutou whare—me tahi te papa ahakoa kei te papa oneone tonu—me whariki nga kapata ki te pukapuka ma, a me waiho nga tatau me nga wini kia puare ana i nga rangi atahua. Mehemea he papa rakau noa to o koutou whare me ruirui taua papa ki te wai rau ti ka tahitahi ai ara ia i muri mai o te haerenga o au manuhiri kia kore ai e tutu te puehu. Kia mau mahara hoki he puiaki no te Mate te puehu me te paru. He mea pai hoki me mau nga moenga me nga kakahu moe ki waho kia whitikia e te ra kia puhipuhia e te hau.