TE AO HOU i taia e te tari maori ma te poari mo nga mea maori

HE KUPU NA TE ETITA He putanga na no Te Ao Hou he tupapaku—waihoki ko te Tupapaku nui o tenei putanga ko Te Puea Herangi. Ko te mate ra tenei o te pukapuka penei kotahi putanga i te toru marama puta rawa ake kua mataotao nga korero. Ina ra kua tuhia nga korero mo te tangihanga nui whakaharahara mo Te Puea. He takitahi rawa atu te tangata penei te hounga ki roto o nga whakaaro o te Maori me te Pakeha i a Te Puea. Kua taia hoki te korero a Pei Te Hurinui mo te tipuna o Te Puea mo Mahinarangi e mau mai nei te ingoa kei tona whare i Ngaruawahia. Ka haere ra a Mahinarangi, piki heke me te hou haere i ro ngahere kia tae ki tana tane i roto o Waikato—no nehera ra enei korero–otira he korero atahua. E kore e tika kia ngaro enei taonga a te Maori ana korero tupuna me ana waiata—ko te Maoritanga tenei e amuamutia nei kei ngaro. Kei nga huihuinga penei i te tangihanga ki a Te Puea ka kitea e, kei te mau tonu ia te Maoritanga. Ko ta Te Ao Hou tenei ko tana mahi, he tuhi i aua korero me aua waiata hei whakaoraora i te ha o nga taonga a nga tupuna kua mene kei te po. Tera te tangata e whakaaro he hoki tenei ki nga ra o te kaitangata. E, kaore. E penei ana tenei i te wai whakaata he rehu kau engari he oranga ngakau. Ko ia nei ta tenei tu i a Te Puea ma nei tona taanga whakaaro.

Kei Nga Kura o Te Ao Hou Hamuhamu ana tera te pukapuka he korero mo te Maori, e akoina nga korero mo te Maori o tenei ra. Ka nui te whai o nga tamariki Maori a tamariki Pakeha hoki ki nga korero mo te Maori, a ka mutu ano nga korero ko nga pitopito korero paki waitara na reira kei te awhina te Tari Mo Nga Kura ki te whakarato i Te Ao Hou. Ehara i te mea i tuhia motuhaketia he korero ma te hanga tamariki nei, engari kei te pukapuka nei etahi korero tera e raroto ki te tamariki.