Kei nga taha o taua pohatu e mau ana nga mahi Maori me te rama o te maramatanga, ko Apirana hoki te rama nana i homai te maramatanga ki Ngatiporou ki te iwi Maori. Ko ianei tona ahuatanga ki te Pakeha ki te Maori ko te rama o te maramatanga na reira ahakoa kua ngaro tona tinana ko tona maramatanga kei te tiaho tonu. Ko te nuinga o te whakaminenga i raro iho i te puke o Patoiti e tu ake ana e whakarongo ake ana ki te Karakia. I te Pihopa o Aotearoa i a Panapa te kauhau, na te Very Rev. J. G. Laughton i panui te rongopai i te Paipera Maori ko Apirana ra tetahi o te komiti nana i whakatikatika te reo Maori o te Paipera Tapu, ko tetahi tenei o ana mahi nui whakamutunga. Na te Pirimia i hura te Pohatu. Ko te himene whakamutunga a te koaea ko ‘E te Atua kua ruia nei au purapura pail’. Ko te himene tenei a Apirana i a raua ko Pihopa Peneti e rere ana i runga i te ka o te Pihopa ki te unga kaipuke rere rangi i Nepia i wehe ai raua, ano te ahua kua mohio iho a Apirana kua tata te mutu ona ra. Ka mutu te tina ka huri nga iwi ki waiomatatini ki te hura i te Pohatu a te whanau, he tohu aroha ki to ratou papa, kei runga i tona tinana kei te roro tonu o te whare pohatu o tona tipuna o Nehe Ropata Wahawaha. I manaakitia nga ope ki te roro o Porourangi a he hanga aroha te taina o Apirana a Renata ki te tu mai ki te manaaki i nga iwi o te Motu. Ko Te Pirimia anake o tona ope i ngaro i tenei whakaminenga. Ko te karakia i te roro o Porourangi a na te Very Rev. J. G. Laughton te kauhau i te reo Maori. Ka mutu te karakia ka piki ki Puputa. Na te Very Rev. J. G. Laughton i hura te pohatu. Ina noa ake te pohatu a te whanau mo to ratou papa a ko nga kupu kei runga e mea ana ‘He Tohu Aroha Ki a Ta APIRANA NOHOPARI NGATA i WHANAU i 3 o nga ra o Hurae, 1874 i MATE i 14 o nga ra o Hurae, 1950 ‘MA WAI E HUAKI TE TATAU O POROURANGI’ Ka mutu ka taki hokihoki etahi o nga iwi ko etahi ano ia i noho iho ki Porourangi. Kaore noaiho he take pera rawa atu o tenei hui. Kotahi ano te take i whakahaeretia i te po ko te take mo te Tahua Moni a nga hoia o te Pakanga tuatahi. Ko te whakaaro nui o te hunga i reira me tuku nga toenga o taua tahua moni hei punga mo tetahi karahipi me hua ko ‘Te Ta Apirana Karahipi’ otira i te mea kaore ano tenei take i tatu noa me waiho ona korero hei korero ma Te Ao Hou mo tetahi atu wa. Ko te whakaaro ia he tino whakaaro rangatira.

CHOOSE A CAREER IN THE RAILWAYS

VACANCIES AS UNDER CLERICAL CADETS: Youths 15 to 19 years of age with not less than two years secondary education. Holders of School Certificate or University Entrance Examination accepted up to 20 years of age. Commencing salaries vary according to educational qualifications, and include lodging allowance if living away from home. Good openings for lads in search of a career. CLERICAL ASSISTANTS: Young men 21 to 30 years of age with not less than two years secondary education. TRAFFIC BRANCH: Youths and men 16 to 39 years of age. LOCOMOTIVE BRANCH: Youths and men 16 to 23 years of age. MECHANICAL ENGINEERING WORKSHOPS: Fitters, Fitters (Electrical), Turners, Springmakers, Boilermakers, Blacksmiths, Patternmakers, Moulders, Coppersmiths, Sheet-metal workers, Carpenters, Painters; also Labourers (including juniors). WAY AND WORKS BRANCH: Carpenters, Electricians, Fitters, Plumbers, Painters, Cable Jointers; also Labourers (including juniors). Junior mechanicians for communications work. GOOD WAGES NO LOST TIME OPPORTUNITIES FOR ADVANCEMENT RAILWAY TRAVELLING PRIVILEGES Apply nearest Stationmaster or Railway Office, or write to General Manager, Railways, Wellington.